> 27 « mes’e argiolas « 2011 « ilMinuto – notizie Mediterranee – edizione Sardegna

Archíviu de sa diri 27/07/2011

“Eus a chistionai de sa lei Messarítzia”. Promissa agoa de sa mobilitada Mps. Tres ferius intre is manifastantis

(IlMinuto) – Casteddu, 27 de su mesi de argiolas – Sa promissa de torrai a biri sa lei regionali 15 asuba de sa Messarítzia. Antzis, s’impignu a discútiri de custa lei in sa Commissioni regionali Messarítzia cun s’assessori regionali Mariano Contu e cun su Movimentu Pastoris Sardus. Est custu s’arrisurtau chi Mps portat a domu a sa fini de s’atopu de ariseru a merì cun su Presidenti de su Consillu regionali, Claudia Lombardo. A s’atóbiu ant participau puru is rapresentantis de su Movimentu Artesanus e Butegaju líberus. Furiat stetiu própriu s’arrefudu de is primus mamentus de parti de Lombardo de arriciri puru una delegatzioni de su movimentu contra a Equitalia a allui sa passéntzia de is manifestantis.
Pagu prus de 3milla manifestantis lompius ariseru a mangianu in Casteddu de totu sa Sardìnnia po pigai parti a unu corteu paxiosu – tucau a is 11.00 de sa pratza a faci de sa Fiera – e aghillius in bia Roma de un’iaxi de politziotus e carabineris ingíriu de su Palatzu. Sighi a ligi ‘“Eus a chistionai de sa lei Messarítzia”. Promissa agoa de sa mobilitada Mps. Tres ferius intre is manifastantis’

Master and Back: custumerì atóbiu asuba de is pagamentas de is borsas

(IlMinuto) – Casteddu, 27 de su mesi de argiolas – Is arremborsus de is pagamentas a chini at fatu Master and Back. At essi custu su tema printzipali de s’atóbiu intre s’assessori regionali de su Traballu, su diretori de s’Agentzia po su Traballu, Stefano Tunis, e is rapresentantis de su Cumitau Master and Back, in programma po custumerì a is 16.00 in is Ofítzius de s’Assessorau de Casteddu. Sighi a ligi ‘Master and Back: custumerì atóbiu asuba de is pagamentas de is borsas’

Presonis: Sdr, magistrau donat su permissu a unu presoneri po andai a agatai sa mama malàdia. Dap amenguat is ora de s’atopu

(IlMinuto) – Casteddu, 27 de su mesi de argiolas – Su magistrau de su Tribunali de Guardania de Casteddu iat donau a L.B. – presoneri de 15 annus in su presoni de Buncammino – unu permissu de cuàturu oras po andai a agatai a sa mama, malàdia meda e chi bivit in d-una biddixedda de sa Calabria. Su Dipartimentu de s’Aministratzioni Penitentziària at perou amenguau custu permissu a duas oras. Ddu denutziat cun d-una nota sa Presidenti de s’Assótziu “Diritti e Riforme”, Maria Grazia Caligaris. Sighi a ligi ‘Presonis: Sdr, magistrau donat su permissu a unu presoneri po andai a agatai sa mama malàdia. Dap amenguat is ora de s’atopu’

“Cabai is manus de is serbítzius púbblicus”. Cras in Isili sa firma po su protocollu intre Provìntzia de Casteddu – Inps

Isili(IlMinuto) – Casteddu, 27 de su mesi de argiolas – “Sa Provìntzia de Casteddu non at a permiti chi is tzitadinus de is territórius chi funt prus atesu abarrint chena de serbítzius púbblicus”. Cun custus fueddus s’assessori Provintziali de su Traballu, Lorena Cordeddu, cummentat su protocollu de acórdiu po fai su primu Tzentru integrau po is Serbítzius po su Traballu: un’istrutura chi at a ponni impari is serbítzius Csl cun cussus garentius de s’Inps.
S’acórdiu at essi firmau cras a is 11.00 in su Tzentru Serbítzius po su traballu de Isili. Ant a firmai su documentu sa Presidéntzia de sa Provìntzia de Casteddu, sa Diretzioni regionali de s’Inps e is Sindigus de is Comunus interessaus.

Sighi a ligi ‘“Cabai is manus de is serbítzius púbblicus”. Cras in Isili sa firma po su protocollu intre Provìntzia de Casteddu – Inps’

Concertus: in Nujvi su IV “Sardinia Reggae Festival”

(IlMinuto) – Casteddu, 26 de su mes”e argiolas – Arribat a sa IV editzioni su “Sardinia Reggae Festival”, chi ocannu ant a benni aghilliu in Nujvi. Cuàturu diris fortis de concertus po is apassionaus de custu tipu de música. Diversus is artistas chi ant a artziai in su palcu: de Solo Banton a Earl 16, de Max Romeo a Luciano, de Michael Prophetas a Brigadier Jerry, de Tippa Irie a Horace Andy e àterus meda. Su Festival at a cumentzai su 28 de su mesi de argiolas e inguinis s’at a podi fai puru campezu. Sighi a ligi ‘Concertus: in Nujvi su IV “Sardinia Reggae Festival”’