> 2011 mes’e argiolas 28 | ilMinuto

Archíviu de sa diri 28/07/2011

Traballadoris ex Unilever. Esposito “cambiat idea”: “Sa produtzioni abarrat frima. Bendu su fàbricu”

Giuseppe Esposito(IlMinuto) – Casteddu, 28 de su mesi de argiolas – Un’àteru scornu po is traballadoris de s’ex Unilever: s’istórica fàbrica de gelaus de Casteddu. Giuseppe Esposito – chi at pigau s’istabilimentu de s’arburada Marconi de sa multinatzionali po 2milionis e 50milla eurus – at cambiau idea ingíriu de pagu mesis. Su 10 martzu passau – in d-un’atóbiu chi s’est tentu in sa sedi de s’Assessorau de s’Industria in Casteddu – s’imprendidori iat fatu crei una cosa po un’àtera a is traballadoris, annuntziendi de tenni intentzioni de torrai a cumentzai sa produtzioni de is gelaus. Agoa de pagu tempus at cambiau is progetus chi teniat. Sighi a ligi ‘Traballadoris ex Unilever. Esposito “cambiat idea”: “Sa produtzioni abarrat frima. Bendu su fàbricu”’

Borsas Master and Back: po imoi nisciunu irminorigamentu de is pagamentas

(IlMinuto) – Casteddu, 28 de su mesi de argiolas – Sa chistioni de su cotizamentu de is borsas de istudiu de Master and Back est ancora trobeddada e po imoi is assinnius ant a sighiri a essi tassaus.
Est cantu at nau s’assessori regionali de su Traballu, Franco Manca, in d-un’atóbiu cun d-una delegatzioni de su Cumitau Master and Back, chi s’est tentu ariseru a merì in is ofítzius de s’assessorau, in Casteddu. Sighi a ligi ‘Borsas Master and Back: po imoi nisciunu irminorigamentu de is pagamentas’

“Salvaus s’úrtimu arenàrgiu de Santu Antiogu de su tzimentu”. Prus de 350 firmas online contra a su fàbricu de is termas

(IlMinuto) – Casteddu, 28 de su mesi de argiolas – “Salvai s’úrtimu arenàrgiu de Santu Antiogu”. Est custu s’obietivu de s’arregorta de firmas “No Termas” po “Is tzitadinus de su Surcis Igresienti e is amantis de sa natura”.
Funt giai 352 is personis chi ant firmau s’apellu online po impedire su fàbricu de unu tzentru termali mannu cun 250 postus letu a pagu metrus de s’arenàrgiu de Coa ‘e cuaddus. Sighi a ligi ‘“Salvaus s’úrtimu arenàrgiu de Santu Antiogu de su tzimentu”. Prus de 350 firmas online contra a su fàbricu de is termas’

A Bacu Abis si papat sardu cun sa sagra de is malloreddus e de petza de brebei

Bacu Abis(IlMinuto) – Casteddu, 28 de su mesi de argiolas – Sabori de Sardìnnia in Bacu Abis. Su 30 de su mesi argiolas sa fratzioni de Crabònia at a donai su cumintzu a s’afestu de s’istadi de su gustu cun sa Sagra de is malloreddus e de sa petza de brebei. In sa pratza de sa bidda sa genti at a benni aghilia de su Cumitau de Santa Brabara e at essi cumbidada a atastai is pratus bellus de sa coxina traditzionali. Is pratus ant essi serbius cun d-una gurnidura de cantus e ballus sardus. S’afestu at a cumentzai a is 20.30. Sighi a ligi ‘A Bacu Abis si papat sardu cun sa sagra de is malloreddus e de petza de brebei’