> Apuntamentus: in Sàdili sa primu editzioni de “Signal Cantieri” | ilMinuto

Apuntamentus: in Sàdili sa primu editzioni de “Signal Cantieri”

Sadali(IlMinuto) – Casteddu, 21 de su mes’e argiolas – “Signal Cantieri” cumentzat su 25 de su mes’e argiolas in Sàdili e at a serrai su 5 de su de su mes’e austu. Sa manifestada si proponit comenti Festival de interatzioni tra is artis chi trisinat a sa música, a sa dantza, a su tzínema, a su tiatru e a sa scridura. “Signal Cantieri” – si ligit in d-una nota – at essi “unu logu de atopu po artistas e operadoris culturalis chi arricint gramàtigas noas e chi sceberant s’innovatzioni in sa ténnica e in su pensu comenti motori de sa cratividadi”. S’eventu est aprontau de “Ticonzero” cun s’agiudu de s’Assótziu “Spaziodanza” e de su Comunu de Sàdili. Totu s’eventu at tentu puru sa participatzioni de is assótzius “Alambicco”, “Ecomuseo”, “Spaziomusica”, Tiatru “Tages”, “Tuttestorie”, “Quit”. Su progetu est una costa de su prus connotu “Signal Festival”, chi in su mes’e cabudanni at a presentai in Casteddu sa VI editzioni sua.

© RIPRODUZIONE RISERVATA

0 Arrespustas a “Apuntamentus: in Sàdili sa primu editzioni de “Signal Cantieri””


Is cummentus funt serraus.