> Apuntamentus: Ollolai in festa cun su Pàliu de is burrincheddus, su “Palu de Sos Vihinados” e su Corteu Medievali de sa Sardigna « ilMinuto – notizie Mediterranee – edizione Sardegna

Apuntamentus: Ollolai in festa cun su Pàliu de is burrincheddus, su “Palu de Sos Vihinados” e su Corteu Medievali de sa Sardigna

(IlMinuto) – Casteddu, 4 de su mes’ argiolas – “S’ofesa prus manna chi si potzat fai a unu burrincu est cussa de ddu tzerriai ómini” (Renzo Novatore, in Iconoclasta!, 1920)
De su 15 a su 16 de su mes’ argiolas, Ollololai at a aghilliri su X Pàliu de is burrincheddus, s’”Palu de Sos Vihinados” e su Corteu Medievali de sa Sardinna”, cun sa participatzioni de is sbanderadoris de Musicus de sa Citadi de is Candileris (Tàtari). Su merì de su 16 de su mes’e argiolas, a cumentzai de is 21.00, ddoi at essi puru su Carru de Su Palu. Su Pàliu tenit s’iscopu de promovi e avalorai su burrincheddu, chi – si ligit in d-una nota – “in su tempus andau rapresentada unu beni de importu mannu po dónnia família de sa bidda”. Sa gara s’at a curri a su noti, cun tucada a is 21.00 – in pratza Marconi – e si sboddiat in baterias de sceberu e finali. S’eventu est aprontau de s’Assótziu Turisticu Pro Loco de Ollolai cun s’apógiu de sa Regioni Autónoma de Sardigna, Assessorau de su Turismu, Artesanau e Cummértziu, de sa Presidéntzia de Nùgoro, de s’Unioni de is Comunus de sa Barbàgia , de sa Fondatzioni “Banco di Sardegna” e de su Ccn de Ollolai “Le Botteghe di Ospitone”.
Po ndi sciri de prus telefonai a su númeru: 345 1033 433 o scriri a s’indiritzu email: info@prolocoollolai.it

© RIPRODUZIONE RISERVATA

0 Arrespustas a “Apuntamentus: Ollolai in festa cun su Pàliu de is burrincheddus, su “Palu de Sos Vihinados” e su Corteu Medievali de sa Sardigna”


Is cummentus funt serraus.