> Borsas Master and Back: po imoi nisciunu irminorigamentu de is pagamentas « ilMinuto – notizie Mediterranee – edizione Sardegna

Borsas Master and Back: po imoi nisciunu irminorigamentu de is pagamentas

(IlMinuto) – Casteddu, 28 de su mesi de argiolas – Sa chistioni de su cotizamentu de is borsas de istudiu de Master and Back est ancora trobeddada e po imoi is assinnius ant a sighiri a essi tassaus.
Est cantu at nau s’assessori regionali de su Traballu, Franco Manca, in d-un’atóbiu cun d-una delegatzioni de su Cumitau Master and Back, chi s’est tentu ariseru a merì in is ofítzius de s’assessorau, in Casteddu. S’ésitu – po imoi bonu – de sa contienda oberta cun s’Agentzia de is Intradas asuba de su cotizamentu de su dinai europeu est difatis pagu seguru poita – at acrarau Manca – “su Ministeru de su Traballu, òrganu cumpetenti e gestori únicu natzionali de su dinai europeu, at espressau unu parri diversu de cussu espressau de s’Erariu”.

© RIPRODUZIONE RISERVATA

0 Arrespustas a “Borsas Master and Back: po imoi nisciunu irminorigamentu de is pagamentas”


Is cummentus funt serraus.