> Cabras promovit is radas de sa Nato. Cumpostu (Sni): “Ses unu centurioni de su Patu atlanticu” | ilMinuto

Cabras promovit is radas de sa Nato. Cumpostu (Sni): “Ses unu centurioni de su Patu atlanticu”

Cumpostu a Cabras(IlMinuto) – Casteddu, 13 de su mes’e argiolas – “Sa perigulosidadi de is radar no est stetia mai cumprovada scientificamenti e cun obietividadi. Sa seguresa de is frontieras natzionalis i europeas est un’óbbligu chi no podeus no pigai in cunsidériu”. Cun custus fueddus su senadori de su Pd, Antonello Cabras, – in is diris passadas – at nau de essi in faori de su fàbricu de sa retza “contra a is furesteris” in sa costera otzidentali de sa Sardinna. Cabras fait parti de s’assembrea parlamentari de sa Nato e at essi acoitu presidenti de su “Special Group” de is parlamentaris de su Patu Atlanticu. Po su cordinadori natzionali de Sardigna Natzione, Bustianu Cumpostu, una promotzioni “de líberu (scrau liberau, ndr) a centurioni”. “Cussus radar – precisat Cumpostu – no tenint nisciuna faina civili, ma funt àteras tzerachias militaris mala medas de imponiri a sa colonia Sardinna. Cabras: is sardus no ant a arrui prus in s’ingànniu de sa prumissa frabància de is postus de traballu e su musúngiu chi promiteis dd’eus a spudai in faci a fustei e a totus cussus chi cun fustei funt cuntratendi po ponni su giuali a sa Sardinna”.

© RIPRODUZIONE RISERVATA

0 Arrespustas a “Cabras promovit is radas de sa Nato. Cumpostu (Sni): “Ses unu centurioni de su Patu atlanticu””


Is cummentus funt serraus.