> Acuntéssia Bellomonte: 20 diris de isciòpiru de su fàmini po pediri su spresonamentu de su comunista indipendentista de a Manca | ilMinuto

Acuntéssia Bellomonte: 20 diris de isciòpiru de su fàmini po pediri su spresonamentu de su comunista indipendentista de a Manca

(IlMinuto) – Casteddu, 1 de su mes’e argiolas – “Unu comunista, militanti indipendentista, sindacalista. Unu chi si giogat sa faci po cosas chi fait, chi no si cuat po mandai ainnantis su pensu políticu suu”. Aici Caterina Tani fueddat – in d-un’intervista fatta unu bellu pagheddu de tempus fait po ‘IlMinuto’ – de su pobiddu Bruno Bellomonte, su dirigenti de a Manca pro s’Indipendentzia de duus annus e 22 diris in impresonamentu cautelari po mori de acusas chi no funt stetias mai cumprovadas: unu teorema (s’ammanitzamentu de un’atentau cun modelleddus aereu radiocumandaus a su G8 de Madalena) – si ligit in d-una nota fatta connosci de su Cumitau ‘Lavoratori pro Bellomonte’ “chi no tenit ni conca ni peis, comenti cumprovat su processu chi s’est sboddiendi de unu bellu pagheddu de tempus”. Po pediri de lassai líberu allestru s’indipendentista de sa manca e po denuntziai sa cosa a s’imprenta, su Cumitau “lavoratori pro Bellomonte” at promòviu un’isciòpiru de su fàmini cumentzau binti diris fait: su 12 de su mes’e làmpadas. In totu is personis chi ant participau a sa cosa funt pagu prus de 30. Oi no ant a papai: Maurizio Faedda, Paola Alcioni, Antonello Tiddia, Marzia Nieddu Cocco e Gianluca Carta.

© RIPRODUZIONE RISERVATA

0 Arrespustas a “Acuntéssia Bellomonte: 20 diris de isciòpiru de su fàmini po pediri su spresonamentu de su comunista indipendentista de a Manca”


Is cummentus funt serraus.