> Acuntéssia Sariu: arresesténtzia paxiosa contra a su dispaciu de Angelo e Rosalba | ilMinuto

Acuntéssia Sariu: arresesténtzia paxiosa contra a su dispaciu de Angelo e Rosalba

(IlMinuto) – Casteddu, 20 de su mes’e argiolas – Est sèmpiri prus mala e dudosa sa situatzioni in Terra Segada, in su territóriu de su comunu de Crabònia. A su mamentu, (funt is 12.10) funt pagu prus de 200 is personis chi – crocadas a terra – faint arresesténtzia paxiosa a su dispaciu de sa domu de su satu e de is terras de sa família Sairu, domus e terras bendias a s’asta po mori de sa lei regionali 44 de su 1988, est a nai po mori de is dannus fillus de s’incopeténtzia de is políticus sardus. In is mesis passaus sa solidariedadi ingíriu de Angelo e de Rosalba at permitiu giai duas bortas de atrassai su dispaciu. Giai de ariseru a noti s’est formau unu presídiu de solidariedadi nou ingíriu a sa domu. “Is fortzas de s’órdini – contat una testimóngia de sa cosa in Facebook – pigant de pesu a sa genti e dda stresiant a foras de s’acorru de sa domu. Mancai is blocus dónnia 50 metrus e is elicóterus chi bobant ingíriu de sa domu, sa genti sighit a lompi”.

© RIPRODUZIONE RISERVATA

0 Arrespustas a “Acuntéssia Sariu: arresesténtzia paxiosa contra a su dispaciu de Angelo e Rosalba”


Is cummentus funt serraus.