> Costus de sa política: dónnia sardu spendit 287 eurus a s’annu po su “guvernu regionali”. Zuncheddu “No a s’irminorigamentu de sa democràtzia” | ilMinuto

Costus de sa política: dónnia sardu spendit 287 eurus a s’annu po su “guvernu regionali”. Zuncheddu “No a s’irminorigamentu de sa democràtzia”

(IlMinuto) – Casteddu, 14 de su mes’e argiolas – Dónnia annu – segundu cantu narat su relata Crenos 2011 – unu sardu spendit pagu prus de 287 eurus po mandai ainnantis is costus de is “funtzionàrius e de is políticus de su guvernu regionali sardu”. Dónnia mesi (datus de su “Sole 24 Ore”) su consilleri regionali sardu médiu pigat 11.417 eurus. Asuba de su tema de is costus de sa política fueddat cun d-una nota Claudia Zuncheddu, consilleri regionali indipendentista. “De unu bellu pagheddu de tempus – precisat Zuncheddu – apu depositau una proposta de lei po abbàtiri is costus de sa política a cumentzai de is indenniddadis de is consilleris e de is dirigentis-manager Regionalis, po unu càstiu e una trasparéntzia giusta asuba de is intradas e asuba de is essidas económicas de is diversus Assessoraus”. A s’irminorigamentu de is costus de sa política, acrarat sa consillera, no depit perou corrispúndiri un’irminorigamentu de su númeru de is eligius de 80 a 60 – narat Zunchedddu – est scéti un’irminorigamentu de sa democràtzia”.

© RIPRODUZIONE RISERVATA

0 Arrespustas a “Costus de sa política: dónnia sardu spendit 287 eurus a s’annu po su “guvernu regionali”. Zuncheddu “No a s’irminorigamentu de sa democràtzia””


Is cummentus funt serraus.