> Crisi “de su mercau de is procus”: 50 postus de traballu a arriscu. Milia pedit un’atóbiu a Cappellacci « ilMinuto – notizie Mediterranee – edizione Sardegna

Crisi “de su mercau de is procus”: 50 postus de traballu a arriscu. Milia pedit un’atóbiu a Cappellacci

(IlMinuto) – Casteddu, 26 de su mesi de argiolas – Un’atóbiu apretosu cun su Presidenti de sa Regioni, Ugo Cappellacci, po agatai una solutzioni a sa crisi de “su mercau de su procu de su Centru-Sardìnnia”.
Est sa domanda chi at fatu in is diris passadas su Presidenti de sa Provìntzia de Casteddu, Graziano Milia, a sa fini de s’atóbiu asuba de contienda fatu in sa sedi de sa Provìntzia.
Sa crisi grai de s’azienda prus manna de allevamentu de procus de sa Sardìnnia – cun impiantus in su tretu industriali de Isili – ponit a arriscu pagu prus de 50 postus de traballu. A s’atóbiu ant partitzipau puru s’assessori provintziali de is Fainas produtivas, Piero Comandini, s’assessori provintziali de su Traballu, Lorena Cordeddu, su licuidatori de s’azienda, Paolo Cossu, is rapresentantis de is organizatzionis sindacalis, de is traballadoris e de is entis de su logu trisinaus.

© RIPRODUZIONE RISERVATA

0 Arrespustas a “Crisi “de su mercau de is procus”: 50 postus de traballu a arriscu. Milia pedit un’atóbiu a Cappellacci”


Is cummentus funt serraus.