> “Cultura e bibliotecas vitimas innotzentis de is irminorigamentus”. Sa denúntzia de sa Provìntzia de Casteddu | ilMinuto

“Cultura e bibliotecas vitimas innotzentis de is irminorigamentus”. Sa denúntzia de sa Provìntzia de Casteddu

Milia(IlMinuto) – Casteddu, 21 de su mes’e argiolas – Is políticas culturalis e su sistema bibliotecàriu funt is primus “vitimas innotzentis” de su “patto di stabilità”, de sa manuvra finatziaria e de s’irminorigamentu a is serbítzius e a is ispesas in is Entis de su logu. Est cantu denuntziat cun d-unu comunicau su Presidenti de sa Provintzia de Casteddu Graziano Milia. Seti milionis de eurus po is ispesas – si ligit in sa nota – ant a obligai a s’aministratzioni a irminorigamentus “in su cumpartu de su personali, de sa cultura e de is serbítzius sotzialis.“Is tzitadinus – pretzisat Milia – depint sciri ca is irminorigamentus no funt sceberu nostu. Sa mengua de is costus no at a fai abasciai is isperdítzius, at a menguai scéti sa cantidadi e sa calidadi de is serbítziu a is tzitadinus”.

© RIPRODUZIONE RISERVATA

0 Arrespustas a ““Cultura e bibliotecas vitimas innotzentis de is irminorigamentus”. Sa denúntzia de sa Provìntzia de Casteddu”


Is cummentus funt serraus.