> Apretu arrefudus, aMpI: “Sardigna terra de acasàgiu, ma no muntronaxu de sa camorra” « ilMinuto – notizie Mediterranee – edizione Sardegna

Apretu arrefudus, aMpI: “Sardigna terra de acasàgiu, ma no muntronaxu de sa camorra”

aMpI(IlMinuto) – Casteddu, 6 de su mes’e argiolas – In is diris passadas su síndigu nou de Casteddu, Massimo Zedda, in is pàginis de unu cotidianu sardu sa disponibilidadi de pigai is arrefudus de sa Campania. Disponibilidadi liada in úrtimas oras de su presidenti de sa Regioni Sardigna Ugo Cappellacci, cumpetenti in matéria. Asuba de sa chistioni fueddat atressu de unu comunicau de imprenta su Diretivu natzionali de aMpI. “Sa terra nostra – si ligit in sa nota de imprenta – est una terra de acasàgiu, ma no est su muntronaxu italianu. Si chistionat de solidariedadi, ma sa solidariedadi comenti agiudu no si donat candu lompint sciacus? No si parrit chi custu siat casu de is arrefufudus campanus e de is acapius crarus chi ddoi funt tra crímini organitzau cun sa política italiana”. “Tocat a nai puru – precisat su comunicau – ca custa decisioni no est nimmancu in is cumpeténtzias de Zedda, poita  iat a depi essi sa Regioni a decídiri. Seus duncas a fac’e una declaratzioni pulia pulia de tzerachia política de unu políticu apicheddadori giòvanu chi si bolit acraditai comenti referenti de su colonialismu ‘progressista’ italianu in Sardigna, cosa chi sa manca indipendentista iat previdiu cun craresa”.

© RIPRODUZIONE RISERVATA

0 Arrespustas a “Apretu arrefudus, aMpI: “Sardigna terra de acasàgiu, ma no muntronaxu de sa camorra””


Is cummentus funt serraus.