> Lei 44 de su 1988: sa regioni pedit 31millionis a is massajus. Mandaus 5milla sollecitus | ilMinuto

Lei 44 de su 1988: sa regioni pedit 31millionis a is massajus. Mandaus 5milla sollecitus

(IlMinuto) – Casteddu, 13 de su mes’e argiolas – Sighit su bisu malu de sa lei regionali 44 de su 1988. In is diris passadas difatis sa Regioni Sardinna at mandau 5milla sollecitus de pagamentu a is massajus sardus trisinaus in custa acontéssia, po unu tottali de 31 millionis de eurus. “Una befa afatu de s’àtera” – cummentat in d-unu comunicau Coldiretti Sardinna. Prus de unu mesi fai s’organizatzioni iat denuntziau a s’assessori regionali de sa Masseritzia “perdimentus grais meda tra cantu donau de sa Regioni e cantu pediu agoa. Cun erroris chi fadiant dannus a is produtoris po migliaja de eurus”. “A unu mesi e prus de is dimandas presentadas in rapresentantzia de milli e prus milli massajus sardus – precisat sa nota – sa Regioni, no pigat in cunsidériu is dimandas fattas, e at sighiu a mandai is 5milla líteras famosas”.

© RIPRODUZIONE RISERVATA

0 Arrespustas a “Lei 44 de su 1988: sa regioni pedit 31millionis a is massajus. Mandaus 5milla sollecitus”


Is cummentus funt serraus.