> Mostras: in su Latzaretu de Casteddu “Islam. Arte e Cultura” | ilMinuto

Mostras: in su Latzaretu de Casteddu “Islam. Arte e Cultura”

Cagliari(IlMinuto) – Casteddu, 4 de su mes’e argiolas – Est stetia oberta, su 24 de su mes’e làmpadas passau, in su Latzaretu de Casteddu “Islam. Arte e Cultura”, sa primu de is tres mostras de importu mannu chi donant boxi a s’entnografia e chi s’agatant aintru de sa rassegna “Popoli ed Arte dal mondo”. S’iscopu de custu camminu culturali est cussu de torrai scobèrriri – si ligit in d-una nota – “no scéti s’arti in totu is diversus manígius artesanus chi pópulus antigus meda tramandant de sèmpiri, ma puru sinnificaus, símbulus e sa cultura chi at fattu de custas òperas de arti aparadas, prendas chi no si podint stimai”. “Islam. Arte e Cultura” alluit una luxi in su mundu islamicu contenti s’istória seculari de unu pópulu. Unu viàgiu, cussu in s’Islam, chi su bisitadori at fai atressu de is prendas, is terrinas e de is pinturas fattas a manu. Unu mundu contau puru de scritus e màginis chi acrarant cosas de importu mannu de sa vida de dónnia diri agiudendusì a cumprendi storicamenti su crescimentu sotziali e artísticu de s’Islam. Sa mostra s’at a podi biri fintzas a su 4 de su mes’ cabudanni.
Po ndi sciri de prus asuba de is oràrius e de is bisitas ghiadas telefonai a su númeru: 070 3838085

© RIPRODUZIONE RISERVATA

0 Arrespustas a “Mostras: in su Latzaretu de Casteddu “Islam. Arte e Cultura””


Is cummentus funt serraus.