> Música: in Aristanis atóbiu cun Fausto Amodei, “chansonnier de protesta” | ilMinuto

Música: in Aristanis atóbiu cun Fausto Amodei, “chansonnier de protesta”

Oristano(IlMinuto) – Casteddu, 1 de su mes’e argiolas – At essi sa saba cuferéntzias de su Centru Serbítzius de bia Carpaccio 9 in Aristanis a aghilliri – su 5 de su mes’e argiolas a is 18.30 – un’atóbiu cun Fausto Amodei, cantautori e musicolugu italianu, babbu – impari a Michele Straniero, Giorgio De Maria, Margot, Emilio Jona e Sergio Liberovici – de su grupu is “Cantacronache”. S’apuntamentu, chi tenit comenti títulu “Dai morti di Reggio Emilia al Cavalier, mentre l’Italia cambia” est aprontau cun s’agiudu de sa Biblioteca Gramsciana Onlus, su Centru Serbítziu Culturalis Unla e su Nur snc, e at essi cordinau de Giuseppe Manias de sa Biblioteca Gramsciana e introdusiu de Marcello Marras, diretori de su Centru Serbítzius Culturalis. Tra is reladoris de su merì, ddoi ant essi Fausto Amodei, su casteddaiu Sergio Durzu chi in su 2004 at donau a sa luxi su giassu ilDeposito.org, un’archíviu de cantus de protesta política e sociali, i autori de su film “Fausto Amodei, uno chansonnier di protesta”. Tra is nòminis chi ant a fai mannu s’atóbiu ddoi est puru cussu de Stefano Giaccone, su babbu de “i Franti”, unu grupu rock indipendenti, nàsciu in su 1982. Unu rock, cussu de “i Franti”, cun sonus tra su folck e su jazz.

© RIPRODUZIONE RISERVATA

0 Arrespustas a “Música: in Aristanis atóbiu cun Fausto Amodei, “chansonnier de protesta””


Is cummentus funt serraus.