> Prétzius in Casteddu: “inflatzioni zeru” in su mes’e làmpadas. In d-un’annu sa vida is prétzius crescint de su 2,6% | ilMinuto

Prétzius in Casteddu: “inflatzioni zeru” in su mes’e làmpadas. In d-un’annu sa vida is prétzius crescint de su 2,6%

giugno Cagliari(IlMinuto) – Casteddu, 1 de su mes’e argiolas – “Inflatzioni zeru” in Casteddu in su mes’e làmpadas. A cantu narat su comunicau de su mesi, fattu connosci de su Serbítziu Informatica e Statistica de su Comunu, in su sestu mes’e s’annu is prétzius a consumu no ant registrau nisciunu cambiamentu.
Aumentus, puru si prus lébius a cussu de is mesis passaus, funt stetius registraus in is cumpartus “Trastus, cosas e serbítzius po sa domu” (+0,2%), “Trasportus” (+0,3%), “Ispàssius, ispetàculus e cultura” (+0,3%) e “Serbítzius de acàsigiu e de restoru” (+0,1%). A cantu si bit de is datus uficialis in su mes’e làmpadas is prétzius de “Domus, àcua, elétricu e cumbustìbilis” (-0,5%) e “Comunicatzionis” (-0,4%) funt prus bàscius. In s’úrtim’annu is prétzius in Casteddu funt aumentaus de su 2,6 po centu.

© RIPRODUZIONE RISERVATA

0 Arrespustas a “Prétzius in Casteddu: “inflatzioni zeru” in su mes’e làmpadas. In d-un’annu sa vida is prétzius crescint de su 2,6%”


Is cummentus funt serraus.