> Radar in Ischia Ruja: su Tar frimmat is trabalus | ilMinuto

Radar in Ischia Ruja: su Tar frimmat is trabalus

radar(IlMinuto) – Casteddu, 8 de su mes’e argiolas – Una bitória noa po is Cumitaus no Radar. Mérculis passau su Tar de sa Sardinna at difatis aghilliu sa dimanda po suspèndiri is traballus de fàbricu de su radar “contr’a is furesteris” de Ischia Ruja mandada ainnaintis de s’amministratzioni comunali de Tresnuraghes. Ddu fait sciri cun d-unu comunicau sa Domu de su Pópulu de Bosa, chi fait parti de su cumitau territoriali No Radar Ischia Ruja. “Fai presídiu fissu e spingi s’amministratzioni – si ligi in d-una nota – s’ant fattu lompi a su primu obietivu (suspèndiri is traballus fintzas a su 5 de su mes’e ledàminis, ndr). Seus cuscientis ca Almaviva Spa no at mollai s’apaltu po fabricai is radar cun facilidadi e ca is úrtimus fueddus de s’ammirallu Locklear (“is radar nous in Sardinna funt necessàrius a sa Nato”, ndr) faint biri cun craresa s’intentzioni de sighiri a trasformai is territórius nostrus (cussus cun amparu ambientali puru) in tzerachias ambientalis”. Su stop de parti de su Tar arribat a pagus diris de sa nova de sa perdida, de parti de sa Guardia de Finantza, de is finantziamentus po su fàbricu de sa retza de radar in sa Sardinna otzidentali.

© RIPRODUZIONE RISERVATA

0 Arrespustas a “Radar in Ischia Ruja: su Tar frimmat is trabalus”


Is cummentus funt serraus.