> Radar “contra a is furesteris”: cras “die de sa Vardania” in Tresnuraghes « ilMinuto – notizie Mediterranee – edizione Sardegna

Radar “contra a is furesteris”: cras “die de sa Vardania” in Tresnuraghes

(IlMinuto) – Casteddu, 15 de su mes’e argiolas – Sighit sa batalla contra a su fàbricu de su radar in Ischia Ruja. Comenti giai acontéssiu in is mesis passaus in Chirra e in Teulada in is mobilitadas contra a su nucleari e contra a su Pisq, cras in Tresnuraghes at essi postu unu bruntzitu nuràgicu “A Vardiania sa Sardigna dae su periculu Radar”. “In su territóriu de Tresnuraghes – acrarant is aprontadoris – comenti in cussus de Santu Antiogu, Frùmini Mayori, Argentiera, si bolit fai a sa marolla un’àtera tzerachia (is radar de sa Guardia de Finantza, ndr) chi podit fai dannus grais meda a s’ambienti e a su paisàgiu e chi podit essi nexi de istrópius e maladias grais, po animabis e personis. Su territóriu sardu no si depit e no si podit acollai àterus aciocus chi s’iant a summai a cussus giai grais de sa chímica “pesante”, de is basis militaris, de is poligonus de tiru e de su smartimentu de aremus industrialis”. Mamentus de importu mannu – aprontaus de su Cumitau Sinonucle e unus cantu de Cumitaus no radar – ant essi sa sistematzioni de su bruntzitu (10.00), su presídiu in Ischia Ruja (12.00), su pràngiu sotziali a sa sarda (13.00) e su dibatidu in sa sabixedda de su Santuàriu de Santu Marcu (17.00).

© RIPRODUZIONE RISERVATA

0 Arrespustas a “Radar “contra a is furesteris”: cras “die de sa Vardania” in Tresnuraghes”


Is cummentus funt serraus.