> Sanidadi: seti comunus pedint “de cumentzai cantu primu sa sperimentatzioni Ccsvi” | ilMinuto

Sanidadi: seti comunus pedint “de cumentzai cantu primu sa sperimentatzioni Ccsvi”

(IlMinuto) – Casteddu, 4 de su mes’ argiolas – Tèmpiu, Patada, Sèttimu, Budune, Sestu, Pramas e Gairo. Funt custus is comunus de sa Sardigna chi fintzas a immoi ant aghilliu sa delíbera proposta de s’assótziu “Isola attiva” po pediri a sa Regioni de cumentzai cantu primu is “sperimentatzionis chi agiudint sa nàscida de centrus chi s’impignint in s’istudiu de sa Ccsvi, comenti bolit su documentu Zanboni”. “Isola attiva” – chi si definit “assótziu sardu po una bidea de saludi chi in sa Sclerosi multipla benit mandada ainnatis totus impari” – nascit de su Movimentu sardu Ccsvi cun s’obietivu de “de fai passus ainnantis in modu prus cuncretus e profetosus aintru de su Movimentu” nàsciu po promovi is istudius asuba de custa maladia. Sa Ccsvi est unu restringimentu irregulari de calencuna bena chi impedit a su sànguni de iscúrriri chentz’e strobbus de su cerbeddu a su coru, chi fatuvatu si collegat a sa sclerosi multipla. S’intziamia est stetia scoberta calecun’annu fait da Paolo Zamboni, 54 annus, chirurgu e professori a s’Universidadi de Ferrara.

© RIPRODUZIONE RISERVATA

0 Arrespustas a “Sanidadi: seti comunus pedint “de cumentzai cantu primu sa sperimentatzioni Ccsvi””


Is cummentus funt serraus.