> Ispetàculus: a sa sesta editzioni su Festival Internatzionali de su Teatru de Animatzioni asuba Mediterràneu « ilMinuto – notizie Mediterranee – edizione Sardegna

Ispetàculus: a sa sesta editzioni su Festival Internatzionali de su Teatru de Animatzioni asuba Mediterràneu

(IlMinuto) – Casteddu, 6 de su mes’e argiolas – De su 23 a su 31 de su mes’e argiolas at torrai in Teulada s’apuntamentu cun Animar, sa sesta editzioni de su Festival Internatzionali de su teatru de animatzioni asuba Mediterràneu. Cussas de su Surcis de bàsciu ant essi otu diris alligardas de mariunetistas, brutatinaus, manixadoris de mustajonis, disignadoris de umbras, artistas banduleris signaus de su traballu in is istradas e in is pratzas. Su festival est aprontau de sa Compagnia Is Mascareddas. Totu sa manifestada s’at a tenni tra is giardinus de sa Domu Baronali e su palcu prus piticu montau a su segundu pianu de sa domu. Tra is artistas prus bravus chi ant essi a Animar 2011 ddoi ant essi cuatru nòminis de importu mannu, artistas chi ant fattu iscola in su campu insoru. Po is mariunetas at essi difatis presenti s’animadora de Saragozza Helena Millán, mentris de Parigi ant a arribbai duus grandu nòminis de is fius e de s’animatzioni in música: Bruno e Darlene Frascone. A s’acabada po su teatru de animatzioni ddoi at essi Dino Arru e su teatru de figura at essi rapresentau de su napoletanu Salvatore Gatto.

Po ndi sciri deprus scriei a ismascareddas@ tiscali.it o Telefonai a su: 0039 (0)70 5839742

© RIPRODUZIONE RISERVATA

0 Arrespustas a “Ispetàculus: a sa sesta editzioni su Festival Internatzionali de su Teatru de Animatzioni asuba Mediterràneu”


Is cummentus funt serraus.