(IlMinuto) – Casteddu, 31 de su mesi austu – Is prétzius in sa citadi de Casteddu sighit a aumentai. In su mesi de austu is prétzius funt aumentaus in média de su 0,4 po centu. Ddu fait sciri su comunicau fatu connosci de su Serbítziu de su Comunu. Sa carestia prus manna s’est registrada in su cumpartu de su “bufóngiu arcólicu e de is tobacus” (+0,9), in su “pisci e in totus is prodotus de su mari” (+3,1) e in is “trasportus” (+2,1). Sighi a ligi ‘Prétzius in Casteddu: nais (+29,8%) e aereus (+17,2%) prus carus puru in su mesi de austu’
Archìviu de mes'e austu 2011
(IlMinuto) – Casteddu, 31 de su mesi austu – “Puru sa segreteria provintziali de sa Uil de Casteddu denuntziat a s’arriscu seguresa e ddu fait sciri cun d-unu comunicau de imprenta Maria Grazia Caligaris, presidenti de s’Assótziu Socialismo Diritti e Riforme, chistionendi de su documentu chi su segretàriu provintziali de sa Uil penitentziàrius, Michele Cireddu, at mandau a su Proveditori regionali in is diris passadas. Sighi a ligi ‘Presonis. Sdr “Puru sa Uil narat ca Buoncammino est a arriscu seguresa”’
(IlMinuto) – Casteddu, 31 de su mesi austu – De su 2 a su 4 de su mesi de cabudanni in Arborea, in su tzentru Ala Birdi, at a aghilliri sa XIII editzioni de is “Olimpiadi della Riscossione”: in gara ddoi ant essi is traballadoris de Equitalia Sardìnnia. Un’avenimentu chi fait arrennegai s’Avis (“Associazione vessati italiani solidali”). In sa tres diris – si ligit in d-una nota fata connosci de s’Assótziu – su “movimentu ‘AntiEquitalia’ at a manifestai su própriu axiori giudichendi su sceberu isfadosu e malafortunadu biu comenti s’agatat sa congiuntura sarda, est a nai in cucuru de s’allentamentu de s’atividadi produtiva e in cucuru puru a su númeru mannu de is suicìdius”. Sighi a ligi ‘“Acacigai a sa dinnidadi de chini pagat is pagamentas”. Avis batacollat a is “Olimpiadi della Riscossione” de Equitalia’
(IlMinuto) – Casteddu, 31 de su mesi austu – “Cielo nero, chelu nieddu, cel neir”. Custu su títulu de su cd dópiu fatu de is “artistas sardus e piemontesus contra a is fogus de is padentis”. In s’òpera ddoi funt 24 cantzonis fatas de musicistas de sa Sardìnnia e de su Piemonti. Is intróitus ant essi donaus totus a s’Aib Condove po pigai unu médiu po studai is fogus. Sighi a ligi ‘Discus: artistas sardus e pimontesus impari contra a is fogus’
(IlMinuto) – Casteddu, 31 de su mesi de austu – Est in programa po cenàbara 2 e sàbudu 3 de su mesi de cabudanni sa IV editzioni de sa Festa de sa Música de Uras. S’eventu cun contest de is grupus musicalis s’at a tenni in sa pratza de is parchegius, a faci de is iscolas elementaris, a cumentzai de is 18.00. Sighi a ligi ‘Avenimentus: a sa IV editzioni sa Festa de sa música de Uras’
(IlMinuto) – Casteddu, 30 de su mesi de austu – “Firmai sa cassa in totu o in d-una bella parti de sa Sardìnnia o dda interdìxiri assumancu in is primu cincu diris de sa stagioni 2011-2012. Est custa sa dimanda chi is “Amici della Terra”, sa “Lega per l’Abolizione della Caccia” e su “Gruppo d’Intervento giuridico” faint a s’assessori regionali de s’Ambienti, Giorgio Oppi, cun s’iscopu de arresparmiai àterus dannus a sa fera, posta mali meda po mori de is fogus de is diris passadas. Sighi a ligi ‘Fogus: Ambientalistas a s’assessori Oppi: “Firmai sa cassa po arresparmiai àterus dannus a is animabis”’
(IlMinuto) – Casteddu, 30 de su mesi de austu – Is 60 milionis de eurus liaus a s’ s’assessorau de sa Messarítzia de sa Finantziaria regionali, arriscat de donai s’úrtimu cropu a su cumpartu in Sardìnnia. Est cantu narat Coldiretti cun d-unu comunicau de imprenta. “Su dinai liau – acrarat s’organizatzioni – […] fait torrai a nudda su dinai po su cumpartu. Abarrant in pei scéti is costus fissus rapresentaus de is ispesas po mandai ainnantis is agentzias regionalis”. Sighi a ligi ‘Ecunumia. Coldiretti: “In finatziaria 60 milionis de mancu po sa messarítzia’
(IlMinuto) – Casteddu, 30 de su mesi de austu – “Arregala sa vida e as a arriciri una mata po sa vida!” Est custu su slogan chi at a acumpangiai a sa “Giornata della Salute in Pineta”, sa manifestada in programma domínigu 18 de su mesi cabudanni in sa “Casermedda” de su pinedu de Sìnnia. De is 8.00 a is 13.00 “prus de 30 istitutzionis e assótzius de su logu – si ligit in d-una nota de imprenta – ant essi impinniadas a serbítziu de sa Comunidadii in mamentus de participatzioni, de atopu, de reflèscia e de spàssiu. at essi duncas una diri dedicada a sa saludi, a sa serenidadi, a s’ambienti, ma puru a sa música, a sa festa e prusatotu a sa solidariedadi”. Sighi a ligi ‘Solidariedadi: in Sìnnia sa “Giornata della Salute in Pineta”’
(IlMinuto) – Casteddu, 30 de su mesi de austu – “Un’impínniu prus mannu e prus pagu slogan, po su beni de su pópulu sardu, de su territóriu e po su tempus benidori suu”. Est cantu pedit s’organizatzioni indipendentista ProgRes “a chini guvernat sa Sardìnnia”, a pustis de is fogus chi ant arruinau s’Ísula intre cenàbara e sàbudu: prus de milla étarus abruxaus. “Abruxat – si ligit in su comunicau de imprenta – unu paisàgiu únicu in sa mirada mondiali, asuba de custu iaus ai dépiu fincai in su tempus benidori”. Cali funt is càusas de sa destrossa? “No est fortùita – scririt ProgRes – sa silmutaneidadi de is diversus fogus in logus diversus de su mantessi territóriu, e no est càsuali nimancu cussa de is fogus allutus in oras e logus diversus de is mantessi diris, duncas ddoi est in mesu de seguru s’elementu criminali”. Sighi a ligi ‘Fogus: ProgRes a sa Giunta: “Prus impínniu prus pagu slogan”’
(IlMinuto) – Casteddu, 30 de su mesi de austu – Est stetia oberta sàbudu 27 de su mesi de austu, in sa domu Tribu in pratza Maria de sa Nii, sa mostra fotografica dedicada a Pablo Volta, fotografu de nàscidas argentinas mortu de pagu tempus a s’edadi de 85 annus. In s’aparada ddoi funt diapositivas, pellículas e màginis a imprenta chi fueddant de sa faina chi su fotografu at fatu in Sardìnnia, e po su prus in su coru de sa Barbaza a metadi de is annus ’50. Est difatis própriu in custu períodu chi Volta at scobertu sa Sardìnnia. Sighi a ligi ‘Mostras: in Nùgoro mostra fotografica dedicada a Pablo Volta’
Social
