> “Fai de mancu de s’Itàlia? Un’abisóngiu”, aMpI asuba de sa “manuvra contra a sa crisi” « ilMinuto – notizie Mediterranee – edizione Sardegna

“Fai de mancu de s’Itàlia? Un’abisóngiu”, aMpI asuba de sa “manuvra contra a sa crisi”

(IlMinuto) – Casteddu, 22 de su mesi de austu – “S’aici nada ‘manuvra contra a sa crisi’ rapresentat un’àtera atzioni maba filla de s’Itàlia po fai afungai sa Sardìnnia liendi aministratzionis e bocendi s’ecunumia”. Est cantu narat unu documentu fatu connosci in is diris passadas de su Diretivu políticu de a Manca pro s’Indipendentzia. Sa manuvra previdit difatis ca de otu provìntzias ndi potzant bivi cincu, fadendi morri aici tres provìntzias. Impari a is provìntzias ant a morri puru 188 comunus. Cun sa “strecadura de is comunidadis giai fertas in modu grai de sa crisi de su cumpartu de sa messarítzia e de sa pastoria, de is irminorigamentus de is serbítzius primaxus”.“Su stadu coloniali – precisat aMpi – lissentziat serbítzius e istitutzionis e ponit arrexinas po abarrai comenti ocupanti militari e comenti esatori de pagamentas. Duncas sa pregunta est: podeus fai de mancu de is poligonus de tiru, de is presonis e de is casermas chi si funt fabrichendi e de is domus de Equitalia e de sa classi política acapiada a is partidus italianus? S’arrespusta est ‘eja’, intzaras bolit nai ca podeus fai de mancu de s’Itàlia […]. Sa manca indipendentista pentzat ca fai de mancu de s’itàlia e de is annuigadroxus suus oi no siat un’utopia, ma unu […] abisóngiu istóricu”.

© RIPRODUZIONE RISERVATA

0 Arrespustas a ““Fai de mancu de s’Itàlia? Un’abisóngiu”, aMpI asuba de sa “manuvra contra a sa crisi””


Is cummentus funt serraus.