> 2011 mes’e austu 01 | ilMinuto

Archíviu de sa diri 1/08/2011

Ambienti. Gig e “Amici della Terra”: “Is scàrrigus de Bassacutena in su mari de Palau”

scarichi in mare a Palau(IlMinuto) – Casteddu, 1 de su mesi de austu – “Is scàrrigus “fortzis brutus” de Bassacutena si ghetant in su frumini Liscia e agoa dda acabant in mari, a s’artesa de s’arenàrgiu de sa Sciumara, in Palau. Ddu denutziant cun d-una nota su “Gruppo d’intervento giuridico” e is “Amici della Terra”. “In pagus fueddus – si ligit in su giassu de su Gig – sa fratzioni de Bassacutena iat a scàrrigai in su frumini is àcuas pagu limpias, mentris su depuradori est frimu”. Sighi a ligi ‘Ambienti. Gig e “Amici della Terra”: “Is scàrrigus de Bassacutena in su mari de Palau”’

Dimissionis Cappellacci. Cumpostu (Sni): “Scéti unu cuaddu de pruini po cuai sa beridadi a is sardus”

(IlMinuto) – Casteddu, 1 de su mesi de austu – “Mellus tzeracus in su Cuirinali chi in Palatzu Chigi? Nosu indipendentistas no eus andai in pellegrinagiu ni in d-unu logu ni in s’àteru, eus a essi in pratza cun is sardus líberus e chena de sagristias”. Cun custus fueddus su cordinadori de Sardigna Natzione Indipendentzia, Bustianu Cumpostu, comentat s’amaletzu de Ugo Cappellacci de lassai su Pdl e is reatzionis de is partidus a sa cosa. “S’amaletzu de torrai sa tessera fatu de Capellacci – comentat Cumpostu – artziat unu dúbiu chi trumentat e chi at a trumentai a is sardus de is presídius no radar e a sa genti chi abetat su cumussàriu chi at a scicutai sa domu insoru; est de importu mannu sciri si Cappellacci si ndi bolit diaderus andai o chi no est aici”. Sighi a ligi ‘Dimissionis Cappellacci. Cumpostu (Sni): “Scéti unu cuaddu de pruini po cuai sa beridadi a is sardus”’

Presonis. Caligaris (Sdr): “Su Centru de anàlisi de Buoncammino est sèmpiri in apretu”

Maria Grazia Caligaris(IlMinuto) – Casteddu, 1 de su mesi de austu – “Su Cetru de anàlisi e de cura de Buoncammino est subracàrrigu de malàdius e s’agat fatuvatu in d-unu stadu de apretu”. Est cantu denuntziat cun d-una nota Maria Grazia Caligaris, presidenti de s’Assótziu “Socialismo Diritti e Riforme”. Su Cdt de su presoni de Casteddu – acrarat Caligaris – acasigiat presoneris cun formas grais de tumori, personis chi funt curendi cun psichiatras, presoneris chi tenint prus de 75 annus e funt malàdius a su coru e a is prumonis. Sighi a ligi ‘Presonis. Caligaris (Sdr): “Su Centru de anàlisi de Buoncammino est sèmpiri in apretu”’

Prétzius in Casteddu: carestia sèmpiri prus manna po is billetus de is nais (+17,4) e de is aereus (+14,7)

biglietti aerei navi cari(IlMinuto) – Casteddu, 1 de su mesi de austu – In Casteddu sa carestia torrat a cresci meda. A cantu si ligit in su comunicau de su mesi fatu connosci de su Serbítziu Statistica de su Comunu, in su mesi de argiolas is prétzius po is consumadoris funt aumentaus de su 0,2 po centu, mentris in su mesi de làmpadas no s’est tentu incarestimentu. Sighi a ligi ‘Prétzius in Casteddu: carestia sèmpiri prus manna po is billetus de is nais (+17,4) e de is aereus (+14,7)’

In Istersìli sa IV editzioni de sa Sagra de su Frigadori e de is cocoeddas

Esterzili(IlMinuto) – Casteddu, 1 de su mesi de austu – Ocannu lompit a fai cuàturu annus sa Sagra de su frigadori e de is cocoeddas de Istersìli. S’eventu est po cenàbara 12 de su mesi de austu a cumentzai de is 17.00 i est aprontau de “A.T. Pro-loco” Istersìli cun s’idea de fai “torrai a scoberri is saboris de su tempus andau, passendi una diri difarenti e praxili, in d-una biddixedda bellixedda e simpli innui su tempus s’est frimau”. Sighi a ligi ‘In Istersìli sa IV editzioni de sa Sagra de su Frigadori e de is cocoeddas’