> 02 « mes’e austu « 2011 « ilMinuto – notizie Mediterranee – edizione Sardegna

Archíviu de sa diri 2/08/2011

Pastoris sardus: nisciuna assembrea Mps-Briatore

(IlMinuto) – Casteddu, 2 de su mesi austu – Assembreas de is pastoris de Mps cun Flavio Briatore? No, “si bastat sa fortza de sa genti nostra”. Cun d-una nota su Movimentu fait sciri uficialmenti ca si ndi stresiant de is atopus “cun Flavio Briatore annuntziaus in custas diris in Vithi”. “Su Mps – si ligit in d-una nota – precisat de no tenni nisciunu acàpiu cun cuddus atopus cumbinaus aici”. Sighi a ligi ‘Pastoris sardus: nisciuna assembrea Mps-Briatore’

Dimissionis Cappellacci. Pcl: “Presidenti disisperau. Gherraus impari po una furriada sotziali”

Pcl(IlMinuto) – Casteddu, 2 de su mesi austu – “A su presidenti de sa Regioni sarda no est abarrau àteru ca s’atacai a s’autonomismu “interclassista” cosa sèmpiri fata de is guvernus regionalis democristianus acotzaus de is togliatianus”. Cun custus fueddus su cordinamentu regionali de su Pcl comentat s’amaletzu de Ugo Cappellacci de lassai su Pdl po mori de is scontrórius nascius asuba de sa contienda de is intradas fiscalis ede sa Tirrenia. Sighi a ligi ‘Dimissionis Cappellacci. Pcl: “Presidenti disisperau. Gherraus impari po una furriada sotziali”’

Turismu: arribant 172 giòvanus po connosci sa cultura sarda impari a Tdm 2000

turismo(IlMinuto) – Casteddu, 2 de su mesi austu – 172 giòvanus de 32 logus difarentis de su mundu. Funt custus is númerus de sa XIV editzioni de sa “International Summer Week”. Su progetu – chi at essi presentau gióbia 4 de su mesi de austu in d-una cuferéntzia de imprenta in s’àula consiliari de su Palatzu cívicu de bia Roma in Casteddu – tenit s’intentzioni de promovi in totu su mundu sa cultura sarda. De su 3 a su 10 de su mesi de austu is piciocus ant essi trisinaus in d-unu programa de fainas cun – si ligit in d-una nota fatta connosci de s’assótziu aprontadori Tdm 2000 – “scampirradas in is logus prus importantis de s’ísula, atastus de sa coxina sarda, atopus cun is istitutzionis de su logu e spàssiu meda”. Sighi a ligi ‘Turismu: arribant 172 giòvanus po connosci sa cultura sarda impari a Tdm 2000′

Ecunumia: 3200 amaistramentus po chini est circhendi traballu

Regione Sardegna(IlMinuto) – Casteddu, 2 de su mesi austu – “Frimai sa crisi de su disimpreu”. Est custu – po s’assessori regionali de Traballu Franco Manca – s’obietivu de is 3200 amaistramentus de ses mesis chi ant essi ativaus cun su bandu de sa Regioni Sardìnnia e de s’Agentzia po su Traballu. Su progetu est po is disimperaus, po chini no tenit traballu e po is personis chi no pigant is amortitzadoris sotzialis”. Is scientis ant a arriciri 500 eurus a su mesi. Sighi a ligi ‘Ecunumia: 3200 amaistramentus po chini est circhendi traballu’

Istadi in Sardìnnia: in Nughèdu sa Sagra de “Sos cicciones fattos in domo e su porcheddu arrustu”

(IlMinuto) – Casteddu, 2 de su mesi de austu – Un’austu saboriu cussu de Nughèdu. In sa bidda in provìntzia de Tàtari, difatis, s’Assótziu “Nughedu Eventi” – Pro Loco de Nughèdu cun s’apógiu de s’Aministratzioni Comunali aprontat po sàbudu 6, a cumentzai de is 21.00, sa Sagra de “Sos cicciones fattos in domo e su porcheddu arrustu”. Sighi a ligi ‘Istadi in Sardìnnia: in Nughèdu sa Sagra de “Sos cicciones fattos in domo e su porcheddu arrustu”’