> 03 « mes’e austu « 2011 « ilMinuto – notizie Mediterranee – edizione Sardegna

Archíviu de sa diri 3/08/2011

“Mancai su handicap arrennesciu beni meda a tenni raportus cun is àterus”. Sa lítera de unu traballadori de su Comunu de Loceri a pustis de una delíbera “befa”

(IlMinuto) – Casteddu, 3 de su mesi de austu – Diploma de piritu agràriu, de agruténnicu e de geòmetru. Sandro Murgia, dipendenti de su Comunu de Loceri, disvantagiau (“no chistionu puru s’intendu beni”) e militanti indipendentista at scritu a IlMinuto po denuntziai a sa chi bit comenti una ingiustitzia. Su nòmini suu po s’incàrrigu de responsaàbili de su Tzentru de Educassioni Ambientali e a Sustenibilidadi, est stetiu fatu de su responsàbilis de s’area aministrativa de su Comunu, ma Murgia est stetiu bullau de sa Giunta comunali cun d-una delíbera “befa”, publicada duas bortas, e furriendi sa segunda borta su chi ddoi furiat scritu sa primu. Sa primu borta, difatis, in su documentu sa Giunta bullàt a Murgia scriendi “de no cunsiderai s’abilidadi de issu e totu a s’incàrrigu po mori de su handicap suu”. In sa segunda delíbera – “torrada a publicai po mori de unu puntu faddiu de s’atu publicau su 26.07.2011″ – sparessit dònnia referimentu a s’handicap: Murgia, “in abetu de torrai a aprontai is ofícius”, benit remplasau in s’incàrrigu de un’àteru dipendenti, “is cumpeténtzias suas po s’incàrrigu permitint de aberri s’istrutura chi sendu in d-una fasi de cumentzu s’agatat in d-unu mamentu delicau”. Sighi a ligi ‘“Mancai su handicap arrennesciu beni meda a tenni raportus cun is àterus”. Sa lítera de unu traballadori de su Comunu de Loceri a pustis de una delíbera “befa”’

Concertus: su 20 de su mesi de su auatu “Impari contra a sa sclerosi”. Artziat in su palcu Alessandro Marino

sclerosi multipla(IlMinuto) – Casteddu, 3 de su mesi austu – Patada tenit una percentuali – su 4 po centu de sa genti – de personis chi tenint sa sclerosi multipla e s’aministratzioni de sa bidda s’impignat meda in sa lota contra a custu mabi. Su 29 de su mesi de làmpadas su Consillu comunali patadesu at aprovau a concordiu una proposta “cun s’obietivu de sensibilitzai sa Giunta regionali asuba de s’abisóngiu apretosu de autoritzai sa sperimentatzioni puru in Sardìnnia de sa cura Zamboni”. Su 20 de su mesi de austu in su campu sportivu Malchittu ddoi at essi, a cumentzai de is 20.00, su cuncertu “Uniti contro la sclerosi – Not(te) per (r)Esistere”, cun sa participatzioni de su cantautori romanu Alessando Mannarino. Sighi a ligi ‘Concertus: su 20 de su mesi de su auatu “Impari contra a sa sclerosi”. Artziat in su palcu Alessandro Marino’

“No sciollit niscuna chistioni”. Prc Tàtari bullat a sa chímica birdi

(IlMinuto) – Casteddu, 3 de su mesi austu – “Su progetu chi bit s’acórdiu intre is sindacaus, su guvernu, is entis de su territóriu e impresas (Eni, Novamont, Polimeri Europa, Syndial e Enipower) no sciollit nisciuna chistioni de su territóriu a cumentzai de is boníficas, unu de is modus po amparai is postus de traballu e cumentzai a pentzai a s’ambienti”. Cun custus fueddus sa Federatzioni de Tàtari de su Prc bullat “chena de torrada” su polu de sa chímica birdi de Pòrtu Turre. Sighi a ligi ‘“No sciollit niscuna chistioni”. Prc Tàtari bullat a sa chímica birdi’

Su Tar strumpat sa Giunta scéti de óminis de Cappellacci. Zuncheddu: “Decadessimentu democratzia”

Zuncheddu Claudia(IlMinuto) – Casteddu, 3 de su mesi austu – Su Tar scancellat sa Giunta Cappellacci. Cun d-una senténtzia chi aghillit su arrecursu presentau de is consilleras Zuncheddu (Indipendentisti) e Francesca Barracciu (Pd) su Tribunali aministrativu regionali de sa Sardìnnia at annullau is decretus de incàrrigu de is assessoris de unu Guvernu regionali chi ndi bogat de unu totu a is féminas. “Gràtzias a su Tar Sardìnnia – cumentat Zuncheddu – agatat fini sa stagioni mìsera de sa política de una Giunta totugantu de mascus bófia de su Presidenti Cappellacci chi, no arraspetat is diritus de rapresentàntzia deprus de su 50 po centu de sa sotziedadi sarda, at donau s’incàrrigu scéti a óminis liendi de mesu is féminas”. Sighi a ligi ‘Su Tar strumpat sa Giunta scéti de óminis de Cappellacci. Zuncheddu: “Decadessimentu democratzia”’

Avenimentus: in Jersu torrat su Wine Festival

jerzu(IlMinuto) – Casteddu, 3 de su mesi austu – Su Wine Festival at a torrai in Jersu allirghendi is merì ogiastrinus. De su 4 a su 10 de su mesi austu sa festa chi afestat su Cannoau s’at a tenni aintru de una sémida stravanada e màgica, chi s’at a movi de s’anfiteatru béciu a is arrugas de sa bidda po lompi in su tzentru istóricu. Medas is avenimentus in programma, intre de is calis ddoi funt “Ogliastra Teatro – Festival dei Tacchi”e sa XXXII Sagra de su Binu. Diris de teatru, música e traditzionis. Totu cundiu de unu binu bellu meda e de is pratus tipicus. Sighi a ligi ‘Avenimentus: in Jersu torrat su Wine Festival’