> 04 « mes’e austu « 2011 « ilMinuto – notizie Mediterranee – edizione Sardegna

Archíviu de sa diri 4/08/2011

Amiantu: “Sa Regioni oblighit a is Asl a donai s’assistu giustu a is malàdius”. Cuferéntzia de imprenta Fds-Aiea

(IlMinuto) – Casteddu, 4 de su mesi de austu – Intre su 2006 e su 2009 sa lei regionali 22 de su 2005 at destinau 32 millionis de eurus po su smartimentu e sa bonífica de s’amiantu. Ma de is 20,35 millionis intraus in càscias de is Provìntzias est stetiu spéndiu scéti su 8,65 po centu. Est unu de is datus prus importantis chi funt bessius a pillu custu mangianu in Casteddu in sa cuferéntzia de imprenta aprontada de su consilleri comunali Enrico Lobina (Fds), cun sa participatzioni de Giuseppe Carboni de s’Assótziu Aiea. In Sardìnnia (datus 2000-2004) funt stetius registradas scéti 30 personis malàdias po mori de s’amiantu. Númerus chi – ant acrarau Lobina e Carboni – si faint biri unu monitoràgiu a nai scassu est pagu. Sighi a ligi ‘Amiantu: “Sa Regioni oblighit a is Asl a donai s’assistu giustu a is malàdius”. Cuferéntzia de imprenta Fds-Aiea’

Presonis in Sardìnnia, Sdr: “250 méigus, ténnicus e infermieris chena de stipéndiu de tres mesis”

Sdr(IlMinuto) – Casteddu, 4 de su mesi de austu – “Su personali méigu, ténnicu e is infermieris chi traballant cun cuntratu in is presonis de sa Sardìnnia no bint unu soddu de tres mesis”. Ddu denuntziat Maria Grazia Caligaris, presidenti de s’assótziu “Socialismo Diritti Riforme”. “Funt pagu prus de 250 is operadoris e medas – precisat sa rapresentanti sotzialista – tenint una situatzioni finatziaria in família unu pagu grai”. Sighi a ligi ‘Presonis in Sardìnnia, Sdr: “250 méigus, ténnicus e infermieris chena de stipéndiu de tres mesis”’

Partidus, aMpI arraspundit a su Pcl: “Truncai cun su colonialismu po donai vida a su sugetu políticu de sa manca indipendentista

rompere con il colonialismo(IlMinuto) – Casteddu, 4 de su mesi de austu – “Cumbidaus a su Pcl-Sardìnnia e totus is militantis de sa manca a atuai asuba de s’abisóngiu de allestai su caminu chi portat a fabricai su sugetu políticu de sa manca indipendentista a cumentzai de sa rinúntzia de su própriu vassallàgiu a calisisiat diretzioni política e ideològica addia de su mari, cunditzioni fundamentali po s’isvilupu de una lota bia e brofetosa po su sotzialismu e s’indipendentzia in d-unu logu colonitzau”. Aici sa Diretzioni política natzionali de a Manca pro s’Indipendentzia arraspundit a s’apellu fatu in is diris passadas de su Pcl “a is comunistas, a sa manca classista e libertària, a Manca pro s’Indipendentzia”: fai unu “fronti únicu” po “concuistai su guvernu de sa classi traballadora in Sardìnnia”. Sighi a ligi ‘Partidus, aMpI arraspundit a su Pcl: “Truncai cun su colonialismu po donai vida a su sugetu políticu de sa manca indipendentista’

Tzínema: in Pòrtu Turre presentada de Oil Segundu Tempus

(IlMinuto) – Casteddu, 4 de su mesi de austu – Sighit su tour po sa Sardìnnia de su segundu tempus de OIL, su film de denúntzia de Massimiliano Mazzotta chi sàbudu 6 de su mesi de austu at essi in Pòrtu Turre. Su segundu tempus de su film documentàriu e su líburu “L’oro nero dei Moratti” bessint a tres annus de OIL (www.oilfilm.it) e – si ligit in d-una nota – “sighint su contu de is dúbius e de is trivérsias asuba de is efetus ambientalis e sanitàrius de sa Saras, asuba de is acontéssias suas in Borsa e in is Tribunalis, e asuba de is mortis légias de is operàjus (s’úrtimu est de su 13 de su mesi de arbili de su 2011)”. Sighi a ligi ‘Tzínema: in Pòrtu Turre presentada de Oil Segundu Tempus’