> 24 « mes’e austu « 2011 « ilMinuto – notizie Mediterranee – edizione Sardegna

Archíviu de sa diri 24/08/2011

Manuvra “contra a sa crisi”. Fds Crabònia narat ca nono a is irminorigamentus in citadi: “Cappellacci lessat su postu”

Carbonia(IlMinuto) – Casteddu, 24 de su mesi de austu – Is irminorigamentus de sa manuvra “contra a sa crisi” ant ferri s’ocupamentu e sa cultura de Crabònia. Est cantu denuntziat cun d-una nota de imprenta su cordinamentu tzitadinu de sa Fds. “Su Tzentru italianu Cultura de su craboni e s’annìtiu museu – precisat sa Fds – arriscant sa serradura po mori de s’irminorigamentu de su 70-80 po centu de su dinai (tzifra simili a sa chi sa Giunta Regionali bolit “arregalai” a su meeting de Comunione e liberazione). In su mantessi mamentu est in programma sa bocidura de su Tzentru nou de Sardìnnia Circas prevìdiu po sa tzitadi de Crabònia, àterus 10-12 postus de traballu bolaus” Sighi a ligi ‘Manuvra “contra a sa crisi”. Fds Crabònia narat ca nono a is irminorigamentus in citadi: “Cappellacci lessat su postu”’

Manuvra “contra a sa crisi”. Sa proposta de Sni: “118 comunus sardus chentza de bandera italiana”

(IlMinuto) – Casteddu, 24 de su mesi de austu – “Remplasai a is 118 comuneddus statalis italianus bogaus de sa manuvra cun ateratuns comunus regionalis sardus cun síndigus in fassa cuàturu morus e bogai sa bandera italiana in is Domos Cumonales Sardas, in is tzelimónias ufitzialis remplasendiddas cun cussa sarda”. Est cantu proponit cun d-una nota de imprenta Bustianu Cumpostu, cordinadori natzionali de Sardigna Natzione Indipendentzia, in arrespusta a is irminorigamentus prevìdius de sa finantziaria Tremonti. Sighi a ligi ‘Manuvra “contra a sa crisi”. Sa proposta de Sni: “118 comunus sardus chentza de bandera italiana”’

Sìnnia: cumentzant is cursus de sardu. Ativu su serbítziu linguìsticu po sa genti

(IlMinuto) – Casteddu, 24 de su mesi de austu – Sighit s’impinniu de Sìnnia po bilinguismu. Po su cuartu annu de file de pari s comunu in Provìntzia de Casteddu at ativau s’Ofítziu de sa língua sarda e su cursu de sardu. De su 2011 su serbítziu linguìstic est disponìbili puru in sa sedi de s’Ofítziu de su Giugi de paxi. “Is serbítzius de s’Ofítziu de sa língua sarda – si ligit in d-una nota  - faint furriaduras in sardu de atus públicus, manifestus, cartellonis e, de is documentus de importu prus mannu po sa sa genti de sa bidda”. Intre pagus diris ant a cumentzai puru is letzionis de língua sarda, cun is cursus de su Comunu e de su Giugi de paxi. Sighi a ligi ‘Sìnnia: cumentzant is cursus de sardu. Ativu su serbítziu linguìsticu po sa genti’

“Su partizanu Salvatore Pinna de Ardaùle”, sàbudu cunvénniu asuba de sa resisténtzia sarda

(IlMinuto) – Casteddu, 24 de su mesi de austu – S’acuntéssia de is partigianus de Ardaùle. At essi custu su tema de su cunvénniu in programma sàbudu chi benit, 27 de su mesi de austu, in sa bidda de su Barigadu (18.00, aposentus ex omni). Sighi a ligi ‘“Su partizanu Salvatore Pinna de Ardaùle”, sàbudu cunvénniu asuba de sa resisténtzia sarda’

Mostras: in Igrèsias s’arti de Stefano Obino

(IlMinuto) – Casteddu, 24 de su mesi de austu – S’insertat in su ARTango music & art festival, aprontau in Igrèsias de s’Assótzi Anton Stadler, sa mostra de s’aristanesu Stefano Obino. Artista de is milla facis, po ARTango Obino at apariciau un’aparada asub de su “amàju chi su tangu e sa música tenint in su caminu creativu, cun atentzioni manna” – si ligit in d-una nota – “po sa movidia”. Sighi a ligi ‘Mostras: in Igrèsias s’arti de Stefano Obino’