> 26 « mes’e austu « 2011 « ilMinuto – notizie Mediterranee – edizione Sardegna

Archíviu de sa diri 26/08/2011

Movimentu pastoris sardus: in 200 chentza de nai nudda primu, a faci de Villa Devoto

(IlMinuto) – Casteddu, 26 de su mesi de austu – Protesta a duus frimadas po su Movimentu Pastoris Sardus. Custu mangianu pagu prus de 200 pastoris de Mps ant manifestau primu a faci de is domus aministrativas de Argea e Laore in bia Caprera, in Casteddu, po protestai – comenti at acrarau a IlMinuto Andrea Cinus “contra a su tardamentus in is pagamentus de is agiudus comunitarius chi iaus ai depiu arriciri de mesis meda e chentza de is calis is aziendas nostras no podint bivi poita no podint pagai is pagamentas de s’Inps”. A is 11.30 s’est detzidiu de si movi: is pastoris ant improvisau unu corteu chi in dexi minutus ddus at portaus a faci de s’intrada de Villa Devoto – in bia Oslava – innoi dooi furiat giai un’atopu intre su presidenti de sa Regioni Sardìnnia, Ugo Cappellacci, e una delegatzioni de parlamentaris sardus asuba de s’acontéssia de is comunus chi bolint liai cun sa manuvra TRemonti. Mps est lompiu a faci de Villa Devoto cun d-una dimandacrara: atobiai Capellacci e is parlamentaris sardus po pediri determinus a is chistionis de sa pastoria. Sighi a ligi ‘Movimentu pastoris sardus: in 200 chentza de nai nudda primu, a faci de Villa Devoto’

“Salvaus is impresas de Equitalia”. Oi in Casteddu cuferéntzia de imprenta de Fortza Paris

(IlMinuto) – Casteddu, 26 de su mesi de austu – “Salvaus su traballu de Equitalia”. Est custu su tema de sa cuferéntzia de imprenta aprontada custu mangianu de Fortza Paria (10.30, saba Bar Hotel Mediterràneu). Su presidenti de F.P., Gianfranco Scalas, at atobiai s’imprenta po propònir a is parlamentaris “unu progetu po alligeriai su pesu de Equitalia de is impresas chi arriscant de serrai”. Sighi a ligi ‘“Salvaus is impresas de Equitalia”. Oi in Casteddu cuferéntzia de imprenta de Fortza Paris’

Isciòpiru generali: sa Cgil in pratza in Casteddu su 6 de su mesi de cabudanni

(IlMinuto) – Casteddu, 26 de su mesi de austu – Puru sa Sardìnnia at a cabai in pratza po s’isciòpiru generali de otu oras avisau de sa Cgil contra a sa manuvra de su mesi austu. Su 6 de su mesi de cabudanni est difatis in programa una manifestada in Casteddu cun tucada ais 9.00 de pratza Garibaldi e arribu in pratza de su Cramu. Sighi a ligi ‘Isciòpiru generali: sa Cgil in pratza in Casteddu su 6 de su mesi de cabudanni’

Su Comitau Sardìnnia animabis aprontat sa “Fiaccolata nella città di Cagliari”

(IlMinuto) – Casteddu, 26 de su mesi de austu – Est stetia fissada po cenàbara 30 de su mesi de cabudani sa “Fiaccolata nella città di Cagliari”, un’avenimentu po nai ca nono a s’assenteismu e a su disapegu de is Istitutzionis in sa lota a su “randagismo”, a is angarias a is animabis e a s’assolamentu de parti de sa Regioni e de is Comunus in is cunfrontus de is Assótzius de voluntariau  chi traballant in su territóriu de sa Sardìnnia in faori de is animabis. Sighi a ligi ‘Su Comitau Sardìnnia animabis aprontat sa “Fiaccolata nella città di Cagliari”’