> 2011 mes’e austu 29 | ilMinuto

Archíviu de sa diri 29/08/2011

Líburus: in sa Domu de su Pópulu de Bosa sa presentada de “Limbas e culturas de minoria”

(IlMinuto) – Casteddu, 29 de su mesi de austu – “Limbas e culturas de minoria (Cunfrontu de isperientzias internatzionales)”. Custu su títulu de su líburu chi at essi presentau gióbia chi benit, primu de su mesi de cabudanni, in Bosa (21.00, Domu de su Pópulu). Sighi a ligi ‘Líburus: in sa Domu de su Pópulu de Bosa sa presentada de “Limbas e culturas de minoria”’

Fogus: arruinaus assumancu milla ètarus de Sardìnnia. Is síndigus pedint su stadu de disgràtzia

(IlMinuto) – Casteddu, 29 de su mesi de austu – Milla étarus e prus de satus, pascidroxus, bingias, ortus e olivàrius mortus. Est custu su bilantzu de is tres fogus postus cun dolu chi ant bociu sa Sardìnnia a cumentzai de cenàbara a apustisprangiu, candu tres fogus mannus intre Àrbus e Gonnesa ant cumetzau a si papai totu e is turistas funt stetius stresiasus de Cala Domestica. In is diris de sàbudu e de domínigu su fogu est stetiu agiudau de su bentuestu. E ariseru funt stetiu bocius centanas de étarus intre Talàna e Lotzorai in Olgiastra. Tres diris de fogu chi ant trisinau puru is territórius de Cabuderra cun is pampas chi  furiat po lompi in d-un’arricoveru, Pauli, cun su fogu arribau acanta de su Policlinicu, Bacu Abis, Sàrdara, Macumère, Seui, Santu Lussurzu, sa periferia de Terranòa, Biddesartu, Murèra, Paùli Xrexèi, Santu ‘Engiu, Gonnos, ddoi furiant fogus prus piticus in Sestu, Deximu Mannu e Assèmini. Sighi a ligi ‘Fogus: arruinaus assumancu milla ètarus de Sardìnnia. Is síndigus pedint su stadu de disgràtzia’

Presonis. Caligaris (Sdr): “In Buoncammino una fémina príngia de duus gemellus”

Buoncammino(IlMinuto) – Casteddu, 29 de su mesi de austu – “Una giòvunedda slava, a su terzu mesi de angraidéntzia, est inserrada in su presoni casteddaiu de Buoncammino. Custa picioca est príngia de duus gemellus i est giai mama de cuàturu pipius abarraus in su campus de zirellu in Latina, innui issa puru tenit sa residéntzia”. Est cantu denuntziat cun d-una nota de imprenta Maria Grazia Caligaris, presidenti de s’Assótziu Socialismo Diritti e Riforme. Sighi a ligi ‘Presonis. Caligaris (Sdr): “In Buoncammino una fémina príngia de duus gemellus”’

Sindrome de Cuirra. Sa denúntzia de una fémina soldau a Vittimeuranio.com: “Traballu in su Poligonu intefortzas e tengu unu tumori”

vittime uranio(IlMinuto) – Casteddu, 29 de su mesi de austu – Un’àteru casu de tumori intre is militaris chi traballant in su Poligonu interfortzas de Foghesu. In is diris passadas una fémina de 28 annus, soldau cun s’incàrrigu de missilista, at denuntziau – cun d-una lítera mandada a su giassu Vittimeuranio.com – de ai scobertu de calencunu mesi de tenni unu cancru. “Seu in cura – scririt sa fémina – in s’ispidali ocològicu de Casteddu. Po duus annus e pagu prus apu fatu serbítziu in su Poligonu interfortzas de Foghesu, e no negu ca totus is datoris a sa scoberta de sa malàdia mia m’ant dimandau chi furiu stetia in cussus logus. Est aici, in cussus logus ddoi seu stetia e seu stetia puru in Teulada po is esercitatzioni, biu s’incàrrigu miu de missilista [...] apu sparau puru deu is ‘nomenaus’ missilis […]“. Sighi a ligi ‘Sindrome de Cuirra. Sa denúntzia de una fémina soldau a Vittimeuranio.com: “Traballu in su Poligonu intefortzas e tengu unu tumori”’

Avenimentus: a sa XI editzioni “Musica sulle Bocche”

(IlMinuto) – Casteddu, 29 de su mesi de austu – In Lùngoni torrat su Festival Internatzionali de Jazz “Musica sulle Bocche”. S’avenimentu, cun s’apógiu de sa Regioni Autónoma de Sardìnnia, de sa Provìntzia de Terranòa e de sa Fondatzioni Bancu de Sardìnnia, est nàsciu puru gràtzias a s’agiudu de s’amministratzioni comunali, chi fintzas de sa primu bessida at cretiu in su progetu. De su primu a su 5 de su mesi de cabudanni, in sa bidda de sa Gallùra s’ant a podi ascurtai artistas intre is prus nomenaus de sa música internatzionali. Ocannu su festival musicali, fillu de una bidea de Enzo Favata, si ponit unu bistiri nou oberrendi s’enna a  diversus linguàgius musicalis. Sighi a ligi ‘Avenimentus: a sa XI editzioni “Musica sulle Bocche”’