> Ambienti e traballu: in càscia integratzioni traballadori sardu de su Wwf. Caligaris: “scarat agoa de 20 annus de traballu” « ilMinuto – notizie Mediterranee – edizione Sardegna

Ambienti e traballu: in càscia integratzioni traballadori sardu de su Wwf. Caligaris: “scarat agoa de 20 annus de traballu”

operaio WWf(IlMinuto) – Casteddu, 25 de su mesi de austu – Su responsàbili de su Wwf de s’Ofíciu Programa Mediterràneu po Sardìnnia e Córsica, Luca Pinna, est stetiu postu in càscia integratzioni. Ddu fait sciri cun d-unu comunicau de imprenta Maria Grazia Caligaris, presidenti de s’assótziu Associazione Socialismo Diritti Riforme. “Custu – comentat Caligaris – bolit nai sa raiadura de su Wwf in s’Ísula. Un’arràntzia mala pruscatotu a pustis chi is sardus ant pigau parti cun sacrfitzius mannus meda a sa còmpora de su World Wildlife Fund de is 3 milla ètarus de Monti Arcosu, in provìntzia de Casteddu”.“Stresiai, agoa de bint’annus, una personi chi at sèmpiri traballu po s’avaloramentu de is benis ambientalis – sighit Caligaris – […] est a nai a renuntziai a sa própriu missioni. Si custu determinu est difinitivu su Wwf Itàlia iat a depi arrenuntziai a s’oasi ambientali sua prus manna, lassendidda a is entis de su logu chi no dd’iant a sciri avalorai a su mellus”.

© RIPRODUZIONE RISERVATA

0 Arrespustas a “Ambienti e traballu: in càscia integratzioni traballadori sardu de su Wwf. Caligaris: “scarat agoa de 20 annus de traballu””


Is cummentus funt serraus.