> Discus: artistas sardus e pimontesus impari contra a is fogus « ilMinuto – notizie Mediterranee – edizione Sardegna

Discus: artistas sardus e pimontesus impari contra a is fogus

(IlMinuto) – Casteddu, 31 de su mesi austu – “Cielo nero, chelu nieddu, cel neir”. Custu su títulu de su cd dópiu fatu de is “artistas sardus e piemontesus contra a is fogus de is padentis”. In s’òpera ddoi funt 24 cantzonis fatas de musicistas de sa Sardìnnia e de su Piemonti. Is intróitus ant essi donaus totus a s’Aib Condove po pigai unu médiu po studai is fogus.  Su progetu nascit de una bidea de sa Scuadra Anti-fogus-de is padentis de su comunu piemontesu, chi si movit contra a is fogus de su 1979. “Custa compilation – si ligit in d-una nota – nascit cun s’iscopu de ponni impari duus pópulus po lompi a un’únicu obietivu: contribuiri donniunu cun sa própriu música, cun sa própriu língua, cun sa própriu cultura, a cumbàtiri su disisperu malu de is fogus. Una liaga istórica chi ferrit su Piemonti (po su prus sa Val di Susa e sa Sardìnnia)”. Su progetu tenit s’apógiu de sa Regioni Sardìnnia, de sa Regioni Piemonti, de is Volenteris Piemonti e de su Comunu de Condove.

© RIPRODUZIONE RISERVATA

0 Arrespustas a “Discus: artistas sardus e pimontesus impari contra a is fogus”


Is cummentus funt serraus.