> Manifestadas culturalis: in Sèneghe sa VII editzioni de su “Cabudanne de sos poetas” « ilMinuto – notizie Mediterranee – edizione Sardegna

Manifestadas culturalis: in Sèneghe sa VII editzioni de su “Cabudanne de sos poetas”

(IlMinuto) – Casteddu, 22 de su mesi de austu – S’at a fai de su 25 a su 28 de su mesi de austu sa VII editzioni de su “Cabudanne de sos poetas”, sa manifestada de poesia aprontada in Sèneghe de s’Assótziu Perda Sonadora. Un’editzioni arrica de atóbius sa de su 2011 aghillia de la bidda de su Montiferru. Ocannu difatis no s’at a fueddai scéti de poesia e literadura, s’at a chistionai puru de istória, de rock, de teatru e de fotogràfia. Dónnia merì at essi obertu a is 20,45 in sa pratza de sos ballos cun “Rapide divagazioni poetiche seneghesi” un’atopu de su giornalista Celestino Tabasso. Sa manifestada at acabai a su mesunoti in Sa funtana de sa roca cun sa “La lettura della buona notte”, chi at tenni comenti protagonistas duus contacontus: Vincenzo Costantino “Chinaski”, chi at a ligi is poesias pigadas de s’úrtimu líburu suu, e Andrea Appino, de is Zen Circus. Impari a Chinaski, Appino e Tabasso in su Cabudanne de su 2011 ddoi ant essi àterus artistas e intelletualis, tra is medas, su pianista Antonello Salis, s’atora Lella Costa, su crítigu Goffredo Fofi, is cantadoris Franco Loi, Francesca Genti e Azzurra D’Agostino.

© RIPRODUZIONE RISERVATA

0 Arrespustas a “Manifestadas culturalis: in Sèneghe sa VII editzioni de su “Cabudanne de sos poetas””


Is cummentus funt serraus.