> “S’aministratzioni de Cuartu at abandonau Santu Istevoni” Sa dinúntzia de Sinistra Critica Sarda | ilMinuto

“S’aministratzioni de Cuartu at abandonau Santu Istevoni” Sa dinúntzia de Sinistra Critica Sarda

(IlMinuto) – Casteddu, 9 de su mesi de cabudanni – “De Gigi Ruggeri a Mauro Contini no cambiat nudda. Su bixinau de Santu Istevoni sighit a essi abandonau de s’aministratzioni comunali de Cuartu Sant’Aleni”. Est cantu narat cun d-una nota de imprenta Sinistra Critica Sarda. “Chini si fait una caminada in su bixinau – si ligit in su comunicau – bit comenti est sa realidadi. Marciapei arrogaus, arrugas prenas de stampus, tirus pedonalis chi no si bint, funt is sinnabis de un’abandonu chi no tenit fini, s’abandonu de unu bixinau innoi su rei est su tzimentu. In Santu Istevoni no ddoi funt serbítzius de nisciunu tipu, funt ausentis: giardunus e parcus po is pipius, pistas po is bicicretas, tzentrus sportivus púbblicus e meda àteru. Puru sa Botecaria comunali est stétia bendia a is privaus”.

© RIPRODUZIONE RISERVATA

0 Arrespustas a ““S’aministratzioni de Cuartu at abandonau Santu Istevoni” Sa dinúntzia de Sinistra Critica Sarda”


Is cummentus funt serraus.