> 2011 mes’e cabudanni 02 | ilMinuto

Archíviu de sa diri 2/09/2011

Vela: su 10 de su mesi de cabudanni atopu cun S’Alighera-Bosa-S’Alighera

(IlMinuto) – Casteddu, 2 de su mesi cabudanni – S’Alighera-Bosa-S’Alighera. At essi custu su tretu de sa frimada de VelAlguer, su campionau aligheresu de Vela cun pagu prus de 90 barcas a vela iscritas. S’atopu po is participantis est po sàbudu 10 de su mesi de cabudanni a is 10.00 in sa domu aligheresa de sa Lega Navali. Sighi a ligi ‘Vela: su 10 de su mesi de cabudanni atopu cun S’Alighera-Bosa-S’Alighera’

Presonis. Sdr: “Negaus is arrestus domitziliaris a sa fémina príngia de duus gemellus”

(IlMinuto) – Casteddu, 2 de su mesi cabudanni – V.D., sa fémina serba de 28 annus, mama de cuàturu pipius de 8, 6, 5 e 3 annus e príngia de duus gemellus, est sèmpiri inserrada in su presoni de Buoncammino, in Casteddu. Ddu fait sciri Maria Grazia Caligaris, presidenti de s’assótziu Socialismo Diritti e Riforme. “Su magistrau de Latina – acrarat Caligaris – at giudicau su stadu de ingraidéntzia cumpatìbili cun sa presonia neghendi is arrestus domiciliaris. Unu determinu in contrastu su sensu de umanidadi”. Sighi a ligi ‘Presonis. Sdr: “Negaus is arrestus domitziliaris a sa fémina príngia de duus gemellus”’

Ambienti. Delussu (Paris): “Is fàbricus de Politzia, Carabineris, Gdf chi funt in su Poetu arrespetant is normas?”

(IlMinuto) – Casteddu, 2 de su mesi cabudanni – Oberri unu spricullitu po “avreguai si is fàbricus de sa Politzia, de is Carabineris e de sa Guardia de Finantza in s’arburada Poetu de Casteddu e de Cuartu Sant’Aleni […] no fatzant nisciunu tipu de riatu in matéria ambientali, paisagistica e de abusivismu”. Est cantu dimandat unu documentu presentau de su responsàbili indipendentista de Paris, Bruno Delussu, a sa Procura de sa Repúbbrica de Casteddu. Sighi a ligi ‘Ambienti. Delussu (Paris): “Is fàbricus de Politzia, Carabineris, Gdf chi funt in su Poetu arrespetant is normas?”’

Indipendentismu: Sardigna Natzione a cungressu su 15 e 16 de su mesi ledàminis

(IlMinuto) – Casteddu, 2 de su mesi cabudanni – Atopu de importu mannu po s’indipendentismu sardu. Sàbadu 15 e domínigu 16 de su mesi ledàminis s’at a tenni, si depit decídiri aundi, unu cungressu nou de Sardigna Natzione Indipendentzia. Est cantu at istabiliu sa Diretzioni natzionali de Sni, atopada domínigu passau in Aristanis. Sighi a ligi ‘Indipendentismu: Sardigna Natzione a cungressu su 15 e 16 de su mesi ledàminis’

Avenimentus: a sa V editzioni su festival leteràriu “A libro aperto”

(IlMinuto) – Casteddu, 2 de su mesi de cabudanni – De oi fintzas a su 4 de su mesi de cabudanni torrat in Santu Lussurzu su festival leteràriu “A libro aperto”. S’avenimentu fillu de una bidea de su Comunu in provìntzia de Aristanis, tenit s’agiudu de s’assótziu culturali Quercus, de sa diretzioni artística de su regista de teatru Riccardo Barracu e de sa diretzioni issentífica de Massimo Arcangeli, maistu univertitàriu, linguista, crítigu leteràriu e tzinematograficu. Is tre diris s’ant a sboddiai in d-una fibera de “Caminus de Lézidas”, chi ant a ponni a faci de pari scritoris e ligidoris. Sighi a ligi ‘Avenimentus: a sa V editzioni su festival leteràriu “A libro aperto”’