> 2011 mes’e cabudanni 06 | ilMinuto

Archíviu de sa diri 6/09/2011

Isciòpiru generali: manifestadas Cgil in otu tzitadis sardas. Is sindacaus de basi in pratza in Casteddu

(IlMinuto) – Casteddu, 6 de su mesi cabudanni – Casteddu, Tàtari, Nùgoro, Aristanis, Terranòa, Crabònia, Seddori e Tortolì. Trisinant totu is provìntzias is manifestadas chi sa Cgil at aprontau in Sardìnnia po s’isciòpiru generali: otu oras de auséntzia de su traballu po nai ca no a sa manuvra “contra a sa crisi” chi in custas diris est a s’esamu de su Parlamentu. In Casteddu, funt stétias pagu prus de 3milla is personis  a ai pigau parti a su corteu tucau de pratza Garibaldi po acabai cun sa prallata in pratza de su Cramu. Sa Cgil – si ligit in d-una nota sindacali – est cabada in pratza contra a una “manuvra ingiusta poita tocat a pagai sa crisi a chini pagat is pagamentas in manera onesta, a is traballadoris e a is pensionaus e chi ferrit po su prus a sa Sardìnnia”. S’Ísula – at precisau su segretàriu regionali Enzo Costa – at essi corpia prus de is àterus de sa Finantziaria. Ant avisau s’isciòpiru generali puru is sindacaus de basi, ca – sèmpriri in Casteddu – ant aprontau una manifestada in pratza Santu Cosomo. Sighi a ligi ‘Isciòpiru generali: manifestadas Cgil in otu tzitadis sardas. Is sindacaus de basi in pratza in Casteddu’

Vela: is piciocus de su Club Nauticu de Altzaghèna in gara in Punta Sabbioni

(IlMinuto) – Casteddu, 6 de su mesi de cabudanni – Atopu de importu annu po is piciocus de su Club Nauticu de Altzaghèna. S’ecuipagiu fatu de Roberto Puddu, Andrea Filigheddu, Davide Lai e Danilo di Fraia partecipat difatis a is campionaus under 16 de vela, chi finint oi in Punta Sabbioni (Venezia). Sighi a ligi ‘Vela: is piciocus de su Club Nauticu de Altzaghèna in gara in Punta Sabbioni’

Militarizatzioni. Lobina (Fds-Prc): “Ita ndi petzat su síndigu Zedda de su radar in Sant’Elia?”

Zedda(IlMinuto) – Casteddu, 6 de su mesi de cabudanni – Unu de is 14 radar finantziaus de su Minesteru de sa Difesa po essi postus in is costeras sardas cun intentzionis de “intelligence” est stétiu fabricau, in sa mudesa prus totali, in Sant’Elia (Casteddu), in d-unu logu sutapostu a avincus di defendint is bellesas naturalis. Est cantu denuntziat cun d-una interrogatzioni Enrico Lobina, consilleri comunali de su “Prc-Federazione della Sinistra”. Po Lobina – s’istrutura est “impestadora, légia e cara” – dimandat a su síndigu Massimo Zedda de fai calincuna cosa asuba de su “sceberu políticu [...] de fai cresci sa preséntzia militari in Sardìnnia, in d-unu logu de valori mannu e in auséntzia de is fiàntzias giustas asuba de is perígulus de s’impestadura eletromagnetica po sa genti”. Sighi a ligi ‘Militarizatzioni. Lobina (Fds-Prc): “Ita ndi petzat su síndigu Zedda de su radar in Sant’Elia?”’

(Italiano) Carceri: Sdr, in Sardegna 537 detenuti in attesa di giudizio

Sighi a ligi ‘(Italiano) Carceri: Sdr, in Sardegna 537 detenuti in attesa di giudizio’

Música: intru su 9 de su mesi de cabudanni is iscritzionis a su contest “Cantendi a sa moda de is patriotus”

(IlMinuto) – Casteddu, 6 de su mesi de cabudanni – Su Comunu de Seddori, cun s’agiudu de s’Istitutu Calasanzio, s’Universidadi de sa Terza edadi e s’Assótziu Pro Loco de sa bidda est aprontendi s’avenimentu “Po Sa Die de sa Sardigna”, una fibera de atopus chi tenint s’iscopu de intrai prus a intru in is chistionis istóricu e culturali asuba de custa diri de importu mannu. Música contemporanea e istória s’ant atopai in circa – si ligit in d-una nota – “de cussu connotau simbolicu, provacau de ‘Sa die de sa Sardigna’ in su coru de is sardus e po su prus in cussu de is giovuneddus”. Intre is diversus atopus, ddoi est su contest “Cantendi a sa moda de is patriotus”. Is musicistas chi iant a bolli participai s’ant a depi iscriri, intru de su 9 de su mesi de cabudanni, in sa pàgina Facebook dedicada a s’avenimentu. Sighi a ligi ‘Música: intru su 9 de su mesi de cabudanni is iscritzionis a su contest “Cantendi a sa moda de is patriotus”’