> 2011 mes’e cabudanni 07 | ilMinuto

Archíviu de sa diri 7/09/2011

Militarizatzioni: in Paùlle assembrea de is Comitaus No Radar

(IlMinuto) – Casteddu, 7 de su mesi cabudanni – Sighit sa mobilitada contra a su fàbricu de is radar militaris in is costeras de sa Sardìnnia. Sàbudu chi benit 10 de su mesi cabudanni (a is 17.00, Teatru comunali) ddoi at essi un’adunàntzia de is Comitaus No Radar chi funt giai traballendi – si ligit in d-una nota – chi ant fatu nasci a is presídius chi ant blocau is traballus in cuàturu giassus sardus”. Sighi a ligi ‘Militarizatzioni: in Paùlle assembrea de is Comitaus No Radar’

Traballu, aMpI: “Ganau cundennat a is traballadoris de is cantieris comunalis de Tàtari a s’arreselu”

(IlMinuto) – Casteddu, 7 de su mesi cabudanni – Cun d-una delíbera (sa 202 de su 22 de su mesi de argiolas 2010) sa Giunta Ganau at cundennau a is traballadoris de is cantieris comunalis de Tàtari a s’arreselu. Est cantu dentziat cun d-una nota su Diretivu políticu natzionali de a Manca pro s’Indipendentzia. “Po su prus – precisat su comunicau de imrenta – si fueddat de traballadoris chi tenit esperiéntzias de traballu de annus e annus e chi s’agatant espulasaus de su ciclu produtivu. Medas de custus no traballant de prus de un’annu”. Sighi a ligi ‘Traballu, aMpI: “Ganau cundennat a is traballadoris de is cantieris comunalis de Tàtari a s’arreselu”’

Referendum contra a su “Porcellum”: arregortas 4milla firmas in s’isciòpiru. Cumpostu (Sni): “Est una trampa”

(IlMinuto) – Casteddu, 7 de su mesi cabudanni – Sighit s’arregorta de is firmas in acotzu de su referendum contra a sa lei eletorali “Porcellum” po torrai a su “Mattarellum” (75 po centu de parlamentaris eligiu cun su magioritàriu, 25 po centu cun su proportzionali). Po is promotoris in Sardìnnia - po s’isciòpiru generali de ariseru – funt stétias pigadas 4milla firmas e prus in Sardìnnia, cun su trisinamentu de rapresentantis de Sel, Idv, Pd, Fli, Rossomori, Verdi e Radicali. Narat invecis ca no a su referendum Bustianu Cumpostu, cordinadori natzionali de Sardigna Natzione Indipendentzia. “Nos – precisat Cumpostu – no eus a firmai po su referendum trampa. Intre “Porcellum” e “Mattarellum” teneus arragus a nai cali siat sa lei eletorali peus. S’una e s’àtera […] ponint is candidaduras scéti in is manus de is segreterias de partidu”. Sighi a ligi ‘Referendum contra a su “Porcellum”: arregortas 4milla firmas in s’isciòpiru. Cumpostu (Sni): “Est una trampa”’

Riformas: sa Comissioni Autonomia aprovat s’irminorigamentu de is consilleris de 80 a 50

(IlMinuto) – Casteddu, 7 de su mesi cabudanni – Passat sa proposta chi previdit s’irminorigamentu de is consilleris regionalis. Ariseru sa Commissioni Autonomia at aprovau a cuncordiu su documentu chi previdit s’irminorigamentu de 80 a 50, scéti cun s’astensioni de Franco Cuccureddu (Grupu Ammasturau). Sighi a ligi ‘Riformas: sa Comissioni Autonomia aprovat s’irminorigamentu de is consilleris de 80 a 50′

Líburus: Bjorn Larsson in Pòrtu Turre po presentai “I poeti morti non scrivono gialli”

(IlMinuto) – Casteddu, 7 de su mesi cabudanni – Sighint is atopus aprontaus de sa libreria Koinè de Pòrtu Turre cun su cridori svedesu Bjorn Larsson. S’autori at a atopai a su púbblicu su 12 de su mesi de cabudanni a is 19.00 in su passadissu de su Palatzu de sa Provìntzia de Tàtari de Itàlia, innoi at a presentai su traballu nou suu “I poeti morti non scrivono gialli”, pubblicau su 5 de su mesi de cabudanni de Iperborea.
Sighi a ligi ‘Líburus: Bjorn Larsson in Pòrtu Turre po presentai “I poeti morti non scrivono gialli”’