> 2011 mes’e cabudanni 08 | ilMinuto

Archíviu de sa diri 8/09/2011

Vela: is giòvanus de su Club de Altzaghèna pigant s’oru in Punta Sabbioni

(IlMinuto) – Casteddu, 8 de su mesi de Cabudanni – Bitória sarda a is “Campionaus natzionalis under 16″ de Punta Sabbioni, Venezia. Roberto Puddu, Andrea Filigheddu, Davide Lai e Danilo Di Fraia ant difatis concuistau su primu postu, bincendi a is àteras 44 scuadras in gara. Sighi a ligi ‘Vela: is giòvanus de su Club de Altzaghèna pigant s’oru in Punta Sabbioni’

“Ndi liant sa demogratzia, no ndi liant is privilégius de sa casta”. Su no de Cumpostu e Zuncheddu a s’irminorigamentu de is consilleris regionalis

Cumpostu Zuncheddu(IlMinuto) – Casteddu, 8 de su mesi de Cabudanni – “Cun s’irminorigamentu de is consilleris regionalis is indipendentistas ant essi stresiaus po sèmpiri de su Consillu regionali”. Aici Bustianu Cumpostu, cordinadori natzionali de Sardigna Natzione, comentat s’aprou de parti de sa Comissioni autonomia de sa proposta chi previdit s’irminorigamentu de is eligius de 80 a 50, ma nisciunu irminorigamentu a su dinai pigau de is consilleris regionalis: 11.417 eurus a su mesi (datus Sole24ore). “Un’irminorigamentu a sa demogratzia e no a is privilégius de sa casta”, po Cumpostu, chi proponit invecis de amenguai su dinai de is consilleris regionalis e de is assessoris, no si depit arribai a  pigai prus de 5milla eurus a su mesi. Sighi a ligi ‘“Ndi liant sa demogratzia, no ndi liant is privilégius de sa casta”. Su no de Cumpostu e Zuncheddu a s’irminorigamentu de is consilleris regionalis’

Manuvra “contra a sa crisi”: in Casteddu presídiu Cgil a faci de sa Prefetura

(IlMinuto) – Casteddu, 8 de su mesi de Cabudanni – Sighit sa protesta de sa Cgil agoa de s’isciòpiru generali de su 6 de su mesi de cabudanni. Ariseu a merì a is 17.00 su sindacau at aprontau unu presídiu contra a sa manuvra “contra a sa crisi” a faci de sa Prefetura de Casteddu, in pratza Palatzu. Un’imbasciada at atopau a su Prefetu po acrarai is arrexonis de sa manifestada. Sighi a ligi ‘Manuvra “contra a sa crisi”: in Casteddu presídiu Cgil a faci de sa Prefetura’

Avenimentus: in Uri Convenniu asuba de sa “Língua e Cultura Sarda” cun su rap de is Stranos Elementos

Stranos Elementos(IlMinuto) – Casteddu, 8 de su mesi de Cabudanni – “Lingua e Cultura Sarda. Esperienze a confronto”. Est custu su títulu de su cunvenniu chi s’at a tenni cenàbara 9 e sàbudu 10 de su mesi cabudanni in sa Biblioteca comunali de Uri. In sa primu diri s’at a chistionai de “Lingua Sarda e Risorgimento Italiano. Gli effetti dell’italianizzazione linguistica all’epoca dell’Unità d’Italia”. Is traballus de sàbudu ant essi invecis dedicaus a sa “Diffusione della Lingua e della Cultura Sarda oggi”, cun su relatu de s’assessori a sa cultura de sa Provìntzia de Tàtari Bruno Farina e una parti dedicada a su contu de is esperiéntzias pràtigas. Ant a chistionai puru is Stranos Elementos, grupu rap sardu. Sighi a ligi ‘Avenimentus: in Uri Convenniu asuba de sa “Língua e Cultura Sarda” cun su rap de is Stranos Elementos’

Avenimentus: in Macumère e in Aristanis piciocheddus in viàgiu cun Salgari

(IlMinuto) – Casteddu, 8 de su mesi de su mesi cabudanni – “Tigrotti e corsari in viaggio con Salgari!”. Est custu su nòmini de su progetu aprontau po sàbudu 10 e domínigu 11 de su mesi de cabudanni de is Tzentrus de is Serbítzius Culturalis de Macumère e Aristanis. Sa manifestada tenit s’obietivu de afestai a is 100 annus de sa morti de Emilo Salgari. S’alliongiu at a permiti ai giovuneddus chi andant de is 8 a is 13 annus de partitzipai a butegas e animatzionis chi tenit s’iscopu de torrai a bivi su sentidu de is líburus de su scritori babu de Sandokan e e de su Corsaro Nero. Sighi a ligi ‘Avenimentus: in Macumère e in Aristanis piciocheddus in viàgiu cun Salgari’