> 2011 mes’e cabudanni 09 | ilMinuto

Archíviu de sa diri 9/09/2011

“S’aministratzioni de Cuartu at abandonau Santu Istevoni” Sa dinúntzia de Sinistra Critica Sarda

(IlMinuto) – Casteddu, 9 de su mesi de cabudanni – “De Gigi Ruggeri a Mauro Contini no cambiat nudda. Su bixinau de Santu Istevoni sighit a essi abandonau de s’aministratzioni comunali de Cuartu Sant’Aleni”. Est cantu narat cun d-una nota de imprenta Sinistra Critica Sarda. Sighi a ligi ‘“S’aministratzioni de Cuartu at abandonau Santu Istevoni” Sa dinúntzia de Sinistra Critica Sarda’

Movimentu contra a Equitalia: custumerì in Sant’Antiogu No Radar in pratza cun Artesanus e Mercanderis Líberus

(IlMinuto) – Casteddu, 9 de su mesi de cabudanni – Su pópulu de is partidas Iva no si frimat. Su Movimentu Artesanus e Mercanderis Líberus at aprontau po custu merì una manifestada in Sant’Antiogu. S’atopu – si ligit in d-una nota – est po is 20.30 “in sa pratza acanta de su tzilleri de su Bucaniere”. A sa protesta at partitzipai puru su Movimentu No Radar tzitadinu. Sighi a ligi ‘Movimentu contra a Equitalia: custumerì in Sant’Antiogu No Radar in pratza cun Artesanus e Mercanderis Líberus’

“Po sa Sardìnnia una trampa de 3,8 miliardus in sa Finatziaria” Lítera de Manichedda (PSdAz) a is deputaus sardus

(IlMinuto) – Casteddu, 9 de su mesi de cabudanni – Is deputaus sardus si depint imprendai a modificai sa Finantziaria aprovada in su Senau, poita in custa ddoi est una “norma mortali” po sa Sardìnnia. Est cantu narat su consilleri regionali de su PSdAz, Paolo Maninchedda, con una relata publicada in su giassu suu “Sardegna e Libertà”. Su rapresentanti sardista at puru mandau una lítera oberta a is rapresentantis sardus a sa Camera. No scéti – acrarat Maninchedda – su Guvernu at liau duus miliardus de eurus a is Regionis a Statutu ispeciali. S’artículu 5 bis previdit una befa a sa Sardìnnia. Sicilia, Calabria, Basilicata, Campania e Puglia (Regionis chi faint parti de s’obietivu unu de s’Unioni europea) ant a podi spendi su dinai fas. Sa Sardìnnia nou. Sighi a ligi ‘“Po sa Sardìnnia una trampa de 3,8 miliardus in sa Finatziaria” Lítera de Manichedda (PSdAz) a is deputaus sardus’

Keller: una cida de ocupatzioni po salvai su traballu. Sa solidariedadi de su Prc

(IlMinuto) – Casteddu, 9 de su mesi de cabudanni – Est lompia a fai una cida s’ocupatzioni de su fàbricu Keller de parti de is operàjus chi gherrant po salvai s’aziendha e prus de 300 postus de traballu agoa de sa raiadura de un’órdini de 15 milionis de eurus e sa dimanda de su pagamentu de una penali de àterus 10 milionis de parti de Trenitalia. Asuba de sa chistioni at chistionau Laura Stochino, segretàriu regionali de su Prc. Sighi a ligi ‘Keller: una cida de ocupatzioni po salvai su traballu. Sa solidariedadi de su Prc’

Avenimentus: in Samugheo sa Sagra de su Tzichi

(IlMinuto) – Casteddu, 9 de su mesi de Cabudanni – Ocannu lompit a sa XIII editzioni sua sa Sagra de Tzichi de Samugheo. Comenti totus is annus, s’úrtimu domínigu de su mesi de cabudanni, in sa bidda de sa Provìntzia de Aristanis ddoi at essi difatis sa sagra de su pani tipicu: su tzichi. Po s’editzioni de su 2011, saboris, profumus sintzillus ant a preni s’ària de sa bidda su 25 de su mesi de cabudanni, candu sa genti no at a podi scéti tastai su pani bellu meda, ma at a podi puru tastai is pratus tipicus de sa comunidadi. Sighi a ligi ‘Avenimentus: in Samugheo sa Sagra de su Tzichi’