> 2011 mes’e cabudanni 12 | ilMinuto

Archíviu de sa diri 12/09/2011

Manuvra “contra a sa crisi”. Manichedda (PSdAz): “Fitto narat fabas a is deputaus. Sa Sardìnnia benit escludia de su dinai Fas”

(IlMinuto) – Casteddu, 12 de su mesi de cabudanni – Is fueddus de su Ministru po is Afaris regionalis, Raffaele Fitto, no balint a nudda. S’artículu 5 bis de sa Finatziaria escludit a sa Sardìnnia de su dinai Fas e de àterus finantziamentus. S’aprou de un’odg no bastada a cambiai una lei. Est cantu precisat cun d-una nota publicada in su blog “Sardegna e Libertà” su consilleri regionali Paolo Maninchedda. Su rapresentanti sardista smincit a su Ministru – chi iat cumbidau a is deputaus sardus a scriri un’odg po disciniri a sa chistioni – e si ndi stresiat de chini “si bufat fabas de dónnia tipu”. Su presidenti de sa Regioni, Ugo Cappellacci, iat “pigau comenti bellu su pertzisadu de su ministru Fitto”. Sighi a ligi ‘Manuvra “contra a sa crisi”. Manichedda (PSdAz): “Fitto narat fabas a is deputaus. Sa Sardìnnia benit escludia de su dinai Fas”’

Ortus urbanus: mérculis assembrea in Sant’Elia

(IlMinuto) – Casteddu, 12 de su mesi de cabudanni – Is primus de su mesi de austu sa Giunta comunali de Casteddu at aprovau una proposta de arregulamentu asuba de is ortus urbanus de fai esaminai de su Consilu. Imoi de sa cosa si chistionat puru intre de is tzitadinus. S’Assótziu “Monte Urpinu Salvaguardia Ambientale” aprontat difatis un’atopu púbblicu asuba de “Progetu Ortus Urbanus” po mérculis chi benit, 14 de su mesi de cabudanni. S’atopu est po is 17.00 in sa Saba consiliari de sa Circoscritzioni 5, in Sant’Elia. Sighi a ligi ‘Ortus urbanus: mérculis assembrea in Sant’Elia’

Manuvra “contra a sa crisi”: custu merì sit in Casteddu. Usb: “tocat a ndi liai is 42 miliardus de is ispesas militaris”

(IlMinuto) – Casteddu, 12 de su mesi de cabudanni – “Una manuvra agraviosa chi ndi liat paga e diritus a is traballadoris e a is pensionaus po donai a chini in custus annus at tentu de prus”. Aici Usb Sardìnnia fueddad de sa finantziaria a s’esamu de su Parlamentu in custas diris. Su sindacau de basi at aprontau po custu merì unu sit in in Casteddu. S’atopu est a is 15.30 a faci de sa sedi de sa Prefetura in pratza Palatzu. S’Usb cumbidat a participai a “totus is chi bolint cumbati a custa manuvra”. S’organizatzioni sindacali proponit un’àtera finatziaria, est a nai proponit de recuberai s’Ici no pagada de sa Crésia Catolica, de fai intrai una pagamenta asuba de is propriedadis mannas e de ndi liai is ispesas militaris (“42 miliardus de eurus de còmporas programadas”). Sighi a ligi ‘Manuvra “contra a sa crisi”: custu merì sit in Casteddu. Usb: “tocat a ndi liai is 42 miliardus de is ispesas militaris”’

Iscola: torrat su mercau de su líburu béciu aprontau de is Gc

(IlMinuto) – Casteddu, 12 de su mesi de cabudanni – Casteddu, Sìnnia, Sestu, Santu ‘Engiu e Aristanis. Funt cincu is mercaus de su líburu béciu aprontaus de is Giòvanus Comunistas de su Prc po su cumintzu de s’annu iscolaticu contra a sa carestia. In custus mercaus s’ant a podi pigai is líburus po is iscolas médias e po is superioris a metadi de prétziu e s’ant a podi bendi is líburus bécius. Sighi a ligi ‘Iscola: torrat su mercau de su líburu béciu aprontau de is Gc’

Mostras: sa segunda vida de s’arti africana

(IlMinuto) – Casteddu, 12 de su mesi de cabudanni – At a benni oberta cenàbara 16 de su mesi cabudanni a is 9.30, in su Foru Boario de Aristanis, sa mostra “…La seconda vita…”. S’aparada nascit de una bidea de s’Osvic de Aristanis cun s’agiudu de su kenianu Augustine Okubo, s’artista chi arregalat a sa matéria una segundu vida e ddu fai trasformendi su materiali de arrefudu in ogetus de impitai dónnia diri e in òperas artísticas. Su progetu – si ligit in d-una nota – “tenit s’iscopu de trisinai a sa sotziedadi de is consumus in d-una gestioni mellus de is cosas, in s’arrespetu de s’ambienti e de sa sustenibilidadi”. Sighi a ligi ‘Mostras: sa segunda vida de s’arti africana’