> 2011 mes’e cabudanni 13 | ilMinuto

Archíviu de sa diri 13/09/2011

Iscola “Beni de totus”: cras in Arborea sa segunda assembea aprontada de su Cordinamentu Precàrius Aristanis

(IlMinuto) – Casteddu, 13 de su mesi de cabudanni – Sighint is atopus aprontaus de su Cordinamentu precàrius de Aristanis po difendi a s’imparu beni de totus. Cras 14 de su mesi de cabudanni ddoi at essi sa segunda assembrea púbblica po chistionai – si ligit in d-una nota – “de sa destrossa de su serbítziu e de is conseguéntzias chi s’ant a tenni asuba de su territòriu”. Sighi a ligi ‘Iscola “Beni de totus”: cras in Arborea sa segunda assembea aprontada de su Cordinamentu Precàrius Aristanis’

Militarizatzioni: “Tocat a dda acabai cun sa strossa de stadu”. Gióbia sit in de “Gettiamo le basi” in Casteddu

(IlMinuto) – Casteddu, 13 de su mesi de cabudanni – “Pediri beridadi e giustítzia po is bocius de is faneus de gherra e de poligonu”. Cun custu obietivu su Cumitau sardu “Gettiamo le basi” e s’Assótziu famílias de militaris bocius ant aprontau po gióbia chi benit, 15 de su mesi de cabudanni, unu sit in in Casteddu. S’atopu est a is 10.00 in pratza de su Cramu. Sighi a ligi ‘Militarizatzioni: “Tocat a dda acabai cun sa strossa de stadu”. Gióbia sit in de “Gettiamo le basi” in Casteddu’

Sport: sàbudu in su Poetu gara de Laamb, sa lota de su Senegal

(IlMinuto) – Casteddu, 13 de su mesi de cabudanni – Su Laamb, sa lota senegalesa, est una de is facis prus popularis de sa cultura de su Senegal, cun is campionis chi si sfidant in is stàdius a faci de unu púbblicu mannu meda. Su isport, su ritu, ispetàculu de su Senegal at essi presentaus sàbudu chi benit in Casteddu (17.00, Corto Maltese) in d-una manifestada aprontada de s’assótziu Sunu Gaal cun s’agiudu de sa sotziedadi de ginnàstica “Eleonora d’Arborea”. Sighi a ligi ‘Sport: sàbudu in su Poetu gara de Laamb, sa lota de su Senegal’

Keller: is operàjus ocupant sa 131. Sa solidariedadi de sa Provìntzia de Casteddu

(IlMinuto) – Casteddu, 13 de su mesi de cabudanni – Si fait sèmpiri prus forti sa gherra de is traballadoris de sa Keller de Biddacidru po salvai s’azienda de sa criadura, agoa de su determinu de Trenitalia de scancellai un’órdini de 15 milionis de eurus. Ariseru a mangianu 150 operàjus ant manifestau po un’ora in su tretu de sa 131 acanta de sa scambilladura de Seddori, arrallentendi su tràvigu in s’arruga printzipali de sa Sardìnnia. Sa protesta at arriciu sa solidariedadi de is camionistas e de is ghiadoris. In su merì s’assessori regionali de s’Industria, Alessandra Zedda, at fissau po gióbia chi benit a is 9.00 un’atóbiu in s’arburada Trentu cun sa participatzioni de sa Sfirs, de is sindacaus, de s’azienda e de is istitutzionis de su Campidanu de Mesu. Sighi a ligi ‘Keller: is operàjus ocupant sa 131. Sa solidariedadi de sa Provìntzia de Casteddu’

“Da Cala Domestica a Buggerru”: caminu nou po su Parcu Geomineràriu

(IlMinuto) – Casteddu, 13 de su mesi de cabudanni – “Da Cala Domestica a Buggerru”. Est custu su nòmini de su caminu nou chi at a tucai domínigu 18 de su mesi de cabudanni de su Parcu Geomineràriu Istóricu Ambientali de sa Sardìnnia cun s’agiudu de sa sotziedadi Start-Vl, de su Comunu de Bujèrru e de s’Igea. In su meigama de sa mantessi diri, in is aposentus de su Museu Mineràriu de Bujèrru ddoi at essi sa presentada de sa retza de is caminu de su Parcu Geomineràriu cun sa participatzioni de su Síndigu de Bujèrru, Silvano Farris, e de su Cumosàriu istraodinàriu de su Parcu, Antonio Granara. Sighi a ligi ‘“Da Cala Domestica a Buggerru”: caminu nou po su Parcu Geomineràriu’