> 2011 mes’e cabudanni 14 | ilMinuto

Archíviu de sa diri 14/09/2011

Sotziedadi: in Casteddu cunvennu contra a “s’arrori de is ispidalis psichiàtricus giuditziàriu

(IlMinuto) – Casteddu, 14 de su mesi de cabudanni – “Senza catene. L’orrore degli ospedali psichiatrici giudiziari”. Est custu su títulu de su cuvennu aprontau po su 16 e su 17 de su mesi de cabudanni de su Cumitau Stop Opg Sardìnnia. S’atopu s’at a tenni in su tzentru culturali su Ghetu, in Casteddu. Is traballus ant a cumentzai cenàbara a is 16.00 cun d-unu dibatidu asuba de su tema “La protesta delle istituzioni e la società civile”, cun sa participatzioni – intre is àterus – de Mauro Palma de su Cumitau “Prevenzione Tortura” de su Consillu de Europa. Sighi a ligi ‘Sotziedadi: in Casteddu cunvennu contra a “s’arrori de is ispidalis psichiàtricus giuditziàriu’

Iscola: sit in Cgil po nai ca no a su lissentziamentu de is precàrius

(IlMinuto) – Casteddu, 14 de su mesi de cabudanni – Cumentzat cun d-unu sit in a faci de su Consillu regionali s’annu iscolasticu de sa Cgil. Su sindacau at aprontau po cras in Casteddu, a is 11.30, un’assembrea asuta de is pórcius de bia Roma po nai ca no a is irminorigamentus, a su lissentziamentu de is precàrius e a is salàrius irminorigaus po is traballadoris nous. Sighi a ligi ‘Iscola: sit in Cgil po nai ca no a su lissentziamentu de is precàrius’

Presonis. Sdr: “Arriscu mannu de istrumadura po sa presonera gràida de duus gemellus”

(IlMinuto) – Casteddu, 14 de su mesi de cabudanni – Est sèmpiri prus grai sa saludi de V.D., sa presonera de 28 annus, mama de cuàturu pipius de 8, 6, 5 e 3 annus e gràida de duus gemellus. In su noti de mérculis de cida passada sa fémina, de natzionalidadi serba, est stétia arricoverada in s’ispidali de Santu Giuanni de Deus in Casteddu, po ameletzu de istrumadura. Una dexina de diri fait su magistrau de Latina ddi iat negau is arrestus domitziliaris, cunsiderendi su stadu de ingraidéntzia cumpatìbili cun sa presonia in su presoni de Buoncaminu. “Imoi – denuntziat Maria Grazia Caligaris, presidenti de s’assótziu ‘Socialismo Diritti e Riforme’ – sa fémina est a arriscu mannu de istrumadura”. Sa graesa de sa cosa est cunfirmada de sa ginecologa chi tenit in cura a V.D.. Sighi a ligi ‘Presonis. Sdr: “Arriscu mannu de istrumadura po sa presonera gràida de duus gemellus”’

Convergéntzia indipendentista: su 25 de su mesi de cabudanni atóbiu nou intre aMpI, IRS, PARIS, ProgReS e SNI

(IlMinuto) – Casteddu, 14 de su mesi de cabudanni – Sighit su traballu cumentzau in Tièsi su 27 de su mesi arbili cun sa firma de sa proposta de una “Carta de is diritus de natzioni sarda” fata de a Manca pro s’Indipendentzia. Su 25 de su mesi de cabudanni in Aristanis ddoi at essi un’atóbiu nou intre is organizatzionis indipendentistas (aMpI, IRS, PARIS, ProgReS, SNI) po sighiri su caminu de convergéntzia cumentzau in da bidda in provìntzia de Tàtari e mandau ainnantis in Nùgoro su 24 de su mesi de argiolas. “Su caminu de convergéntzia indipendentista – si ligit in sa nota firmada de is cincu organizatzionis indipendentistas – tenit s’intentu de individuai e afortiai is fundamentus cundivìdius de s’indipendentismu, agatai logus […] innui ‘fai’ e ‘abarrai’ impari a sa séria e in manera cuncordada po oberri sa fentana indipendentista a totus cussus chi s’intendint fillus lìberus de sa Sardìnnia”. Sighi a ligi ‘Convergéntzia indipendentista: su 25 de su mesi de cabudanni atóbiu nou intre aMpI, IRS, PARIS, ProgReS e SNI’

Mostras: in sa Galleria de su Sperone is fotografias de is “Sonazzos”

(IlMinuto) – Casteddu, 14 de su mesi de cabudanni – At essi oberta sàbudu 17 de su mesi de cabudanni a is 18.00, in is aposentus de sa Galleria de su Sperone, in Casteddu, sa mostra de Marco Ceraglia chi tenit comenti títulu “Sonazzos” – is sonus de su tempus. Fotografias de importu mannu  chi si fueddant gràtzias a s’obietivu de su fotografu, chi ghiant a su bisitadori abia de unu beru viàgiu de arrevelatzioni chi tenit su scopu de fai amirai in su mantessi tempus su passau e su tempus benidori atressu de un’ogetu acapiau a sa cultura de sa Sardìnnia. Sighi a ligi ‘Mostras: in sa Galleria de su Sperone is fotografias de is “Sonazzos”’