> 2011 mes’e cabudanni 15 | ilMinuto

Archíviu de sa diri 15/09/2011

Sindrome de Cuirra. Cao (Gettiamo le basi): “Su Guvernu no fueddat”. S’istória de P.F.: militari de leva in Teulada

(IlMinuto) – Casteddu, 15 de su mesi de cabudanni – “Nosu bidiaus is sordaus americanus cun is mascaras, is guantus e is tutas arregolli su croxu de is ballas in su Poligonu. Ddus pigaiaus po culu […], issus invecis scidiant ca is ballas teniat uraniu impoberau. Ddu scidiant”. Est sìmbili a su contu de is àterus militaris cussu de Paolo Floris. In su 1998 fadiat su serbítziu de leva (“de nimancu ddu boliu fai su militari) in su Poligonu de Teulada e in su 2006 ddi fut dianniosticau su linfoma de Hodgkin. “A pustis de ai tentu diversas arrecaidas – acrarat a IlMinuto – in su 2008 apu fatu da arradiuterapia e imoi fatzu una bisita de cuntrollu dónnia ses mesis”. Floris at pediu a su Poligonu de Teulada totu is scedas asuba de is armas impitadas in cussu tretu, po podi fai a su Ministeru de sa Difesa sa dimanda de pagamentu de is dannus. Ma de su Poligonu no est arribada niscina arrespusta. Po su datori chi curat a s’ómini s’acàpiu intre is fainas in su Poligonu e su tumori est craru. Is tempus funt cussus de sa maladia. Custu mangianu puru Floris at partitzipau a su sit in aprontau de su Comitau “Gettiamo le basi” e de s’assótziu familiaris in pratza de su Cramu in Casteddu. Sighi a ligi ‘Sindrome de Cuirra. Cao (Gettiamo le basi): “Su Guvernu no fueddat”. S’istória de P.F.: militari de leva in Teulada’

Indipendentismu: in Serri su cungressu de ProgReS po sa Regioni de Casteddu

(IlMinuto) – Casteddu, 15 de su mesi de cabudanni – Atopu nou po ProgReS. Domínigu chi benit, 18 de su mesi cabudanni, s’organizatzioni indipendentista at fai su cungressu de sa regioni de Casteddu. S’atopu est in Serri a is 9.30, in su Montegranaticu de su tretu archeológicu de Santa Vitoria. Sighi a ligi ‘Indipendentismu: in Serri su cungressu de ProgReS po sa Regioni de Casteddu’

Trasportus: Bianco (Filt-Cgil): “S’Arst lissentziat a 146 traballadoris e agoa pigat asa Dedoni?”

(IlMinuto) – Casteddu, 15 de su mesi de cabudanni – Un’atóbiu apretosu po fai craresa asuba de sa nova – “bessia in d-unu cotidianu de su logu” – de sa còmpora de su grupu Dedoni de parti de s’Arst. Est cantu dimandat su segretàriu de sa Filt Cgil, Alessandro Bianco, in d-una lítera mandada a s’assessori regionali de is Trasportus Christian Solinas. Comenti podit – dimandat Bianco – s’Arst detzíderi de pigai sa compannia privada de trasportus Dedoni “candu s’agataus a faci de unu pranu industriali chi previdit s’irminorigamentu de su númeru de is traballadoris”?. Sighi a ligi ‘Trasportus: Bianco (Filt-Cgil): “S’Arst lissentziat a 146 traballadoris e agoa pigat asa Dedoni?”’

Lei po su Golf: s’opositzioni lassat su Consillu (Prc): “sa Sardìnnia no est un’isterrimenta de campus birdis”

(IlMinuto) – Casteddu, 15 de su mesi de cabudanni – Est aciocu in Consillu regionali asuba de sa lei po su Golf. Ariseru a meigama totus is grupus de s’opositzioni ant lassau s’area agoa de s’aprou de s’artículu 5 de su provedimentu, donendi is crupas a sa majoria de tenni s’iscopu de fai un’àteru guastu ambientali in s’Ísula. Asuba de sa chistioni de su turisimu de su golf e asuba de sa campannia de publicidadi chi fueddat de s’arrevisioni de su Ppr fueddat Laura Stochino, segretàriu regionali de su Prc. “Sa Sardìnnia est su paisàgiu suu – scririt Stochino arremonendi una frasi de sa campannia – no est un’isterrimenta de campus birdis”. Sighi a ligi ‘Lei po su Golf: s’opositzioni lassat su Consillu (Prc): “sa Sardìnnia no est un’isterrimenta de campus birdis”’

Avenimentus: in Casteddu una festa po Andrea Camilleri

(IlMinuto) – Casteddu, 15 de su mesi de cabudanni – At essi sa Festa de is Presídius de su Líburu – in programma po sàbudu po 24 de su mesi de cabudanni a is 18.30 in is aposentus de s’Hostel Marina, in Casteddu – a oberri sa stagioni 2011-2012 de “Mieleamaro”. Su primu atopu at tenni comenti protagonista a Andrea Camilleri, chi po s’ocasioni at lassau un’intervista fata de Francesco De Filippo a su Tzírculu de is Ligidoris. Sighi a ligi ‘Avenimentus: in Casteddu una festa po Andrea Camilleri’