> 2011 mes’e cabudanni 16 | ilMinuto

Archíviu de sa diri 16/09/2011

Sotziedadi: sa fémina gràida de duus gemellus at a finiri s’ingraidéntzia a foras de su presoni

(IlMinuto) – Casteddu, 16 de su mesi de cabudanni – Est acabada beni s’acuntéssia de V.D., sa presonera de 28 annus – mama de cuàturu pipius de 8, 6, 5 e 3 annus e gràida de duus gemellus – chi una dexina de diris fait fut stétia arricoverada in s’ispidali Santu Giuanni de Deus, in Casteddu, po mori de un’amaletzu de istrumadura meda grai. Su magistrau de Latina – agoa de ai nai ca no a is arrestus domitziliaris pagu prus de duas cidas fait – at apustis de tantu detzìdiu de permiti a sa fémina de finiri s’ingraidéntzia a foras de su presoni, donendi a V.D. s’óbligu de abitatzioni in Roma. Ddu fait sciri cun d-una nota de imprenta Maria Grazia Caligaris, presidenti de s’Assótziu “Socialismo Diritti e Riforme”. Sighi a ligi ‘Sotziedadi: sa fémina gràida de duus gemellus at a finiri s’ingraidéntzia a foras de su presoni’

Imprenditoria po is féminas: is seminàrius de Provìntzia de Casteddu

(IlMinuto) – Casteddu, 16 de su mesi de cabudanni – Sighint is seminàrius informativus, aprontaus de s’assessorau a is Políticas de su Traballu de sa Provìntzia de Casteddu cun sa Càmara de su Cumérciu, asuba de su bandu regionali “Impresa Donna”. Sa fibera de atopus – cumentzada mérculis in Murèra – sighit custu mangianu in Casteddu (Saba ex Capella de sa Provìntzia) e custumerì in Senobrì (16.30, domu Lonis). Sighi a ligi ‘Imprenditoria po is féminas: is seminàrius de Provìntzia de Casteddu’

Tiscali: 130 traballadoris “in prus”. In bendida Sa Illeta. Sindacaus: “No paghint scéti is traballadoris”

(IlMinuto) – Casteddu, 16 de su mesi de cabudanni – Eventualis arràntzias o tardamentus in sa programatzioni de su tempus benidori de Tiscali no podint essi “scarrigadas scéti asuba de s traballadoris”. Est cantu narat is segreterias natzionalis de Slc-Ccgil, Fistel-Cisl e Uilcom-Uil, in d-una nota fata connosci ariseru a sa fini de un’atopu cun s’amministradori delegau de s’azienda, Renato Soru. Tiscali tenit dépidus po pagu prus de 200 milionis de eurus, chi s’azienda bolit sanai cun s’isvilupu de serbítzius, bendendi sa domu de Sa Illeta intru s’annu – po 20 milionis de eurus e pagu prus – e liendi postus de traballu po 7 milionis. Iant essi 130 is traballadoris “in prus” po immoi – de ponni in càscia integratzioni istraordinària – po unu totali de 965 traballadoris. Sighi a ligi ‘Tiscali: 130 traballadoris “in prus”. In bendida Sa Illeta. Sindacaus: “No paghint scéti is traballadoris”’

Galsi, aMpI: “Un’àtera faina po colonitzai a sa Sardìnnia”

(IlMinuto) – Casteddu, 16 de su mesi de cabudanni – “Un’àteru sdorrobatóriu económicu, ambientali e culturali chi fait de sa terra sarda un’àrea de serbítziu profetosu po su capitalismu italianu i europeu, biu ca una cantidadi manna de su gas chi at a benni abiaxau de sa Galsi at essi de propriedadi russa”. Aici su Diretivu Políticu natzionali de a Manca pro s’Indipendentzia fueddat de su metanodotu Galsi in d-unu documentu arricu de datus fatus connosci in is diris passadas. Un’”oru mostruosu e longu meda” – acrarat aMpI – chi atravessat s’ísula po 272 chilómitrus”, de “Porto Botte a Terranòa. Sighi a ligi ‘Galsi, aMpI: “Un’àtera faina po colonitzai a sa Sardìnnia”’

Mostras: in Aristanis “Piccolo Museo dei Burattini”

(IlMinuto) – Casteddu, 16 de su mesi de cabudanni – S’Assótziu Culturali Artística Aristanis aprontat sa mostra de Antonio Marchi: “Piccolo Museo dei Burattini”. S’aparada at essi oberta lúnis 19 de su mesi de cabudanni a is 19.00 (Palatzu Tolu, Aristanis) e at a abarrai fintzas a lúnis 17 de su mesi de ladàmini a is 21.00. Una mostra de buratinus, ma no scéti custu, poita in aparada ddoi ant essi is pinturas e is ambientamentus scenogràficus de Opineddu, Cuguteddu Ruju, sa Bella Dromia, Albarosa, Tziu Bakis cun is Fenicis e is Romanus. Sighi a ligi ‘Mostras: in Aristanis “Piccolo Museo dei Burattini”’