> 2011 mes’e cabudanni 19 | ilMinuto

Archíviu de sa diri 19/09/2011

“Avisaus s’Assembrea generali de is indipendentistas”. Sa proposta de unu grupu de militantis a su movimentu

(IlMinuto) – Casteddu, 19 de su mesi de cabudanni – “Sa divisioni de su movimentu aintru de unu númeru mannu de organizatzionis sèmpiri prus mannu, fatu de partidus, movimentus, assótzius, grupus medas e individualidadis, no permitit [a issu etotu] de influiri in sa vida política de s’Ísula po ndi podi conditzionai is sceberus e ndi decídiri su tempus benidori”. Est custu su pensu chi at fatu movi a s’Assótziu Zirichiltaggia, a s’Assótziu a sa Nuraxia e una fibera de militantis a firmai e a fai connosci sa “proposta de avisu de s’assembrea generali de is indipendentistas”. Sighi a ligi ‘“Avisaus s’Assembrea generali de is indipendentistas”. Sa proposta de unu grupu de militantis a su movimentu’

Iscola: in Santa Justa assembrea in difesa de s’imparamentu comenti beni comunu

(IlMinuto) – Casteddu, 19 de su mesi de cabudanni – Terza frimada in su “tour” provintziali in difesa de s’imparamentu comenti beni comunu aprontau de su Cordinamentu Precàrius de s’Iscola de Aristanis. Mérculis 21 de su mesi de cabudanni ddoi at essi un’assembrea noa po chistionai – si ligit in d-una nota – “de sa sciusciadura de su serbítziu e de is arrecaimentus in su territóriu”. Sighi a ligi ‘Iscola: in Santa Justa assembrea in difesa de s’imparamentu comenti beni comunu’

Contienda Vinyls. Sa solidariedadi de su Pcl: “Eis fatu beni a impidiri su sbuidamentu de is barcilis”

(IlMinuto) – Casteddu, 19 de su mesi de cabudanni – In is diris passadas is traballadoris de sa Vinyls ant frimau a is operàjus incàrrigaus de su sbuidamentu de is barcilis de s’istabilimentu de Pòrtu Turre. Ant frimau aici una faina chi iat ai forsis fatu cumentzai su sciusciu de is impiantus. Un’atzioni chi arricit s’acotzu de sa setzioni provintziali de Tàtari de su Pcl. Su partidu comunista animat a is operàjus Vinyls a sighiri in sa mobilitada. “Is traballadoris – si ligit in d-unu comunicau – agoa de ai fatu de totu, s’agatant oi a faci de un’única bia credìbili po sparafiai sa serradura: cussa de sa lota frima. Cantu acontéssiu donat cunfirma ca sa bolontadi de no s’arrendi est bia”. Sighi a ligi ‘Contienda Vinyls. Sa solidariedadi de su Pcl: “Eis fatu beni a impidiri su sbuidamentu de is barcilis”’

Avenimentus: in Seddori “La Festa del Borgo”

(IlMinuto) – Casteddu, 19 de su mesi de cabudanni – Una festa màgica chi tenit s’obietivu de avalorai, torrai a fai bivi e scoberri su bixinau antigu e in su mantessi mamentu tenit puru s’obietivu de fai connosci a sa genti is prodotus de sa traditzioni de sa messarítzia e de sa pastoria de su logu. Est sa festa de su Bixinau, chi s’at a tenni in Seddori su 25 de su mesi de cabudanni. Un’avenimentu allirgau de is musicistas chi sonant in is arrugas, de is launeddas, de sa banda de sa bidda, de s’arrepentina e de is grupus folk. Sighi a ligi ‘Avenimentus: in Seddori “La Festa del Borgo”’