> 2011 mes’e cabudanni 20 | ilMinuto

Archíviu de sa diri 20/09/2011

“Bateristas de totu sa Sardìnnia uneisì”. S’Assótziu Alterazioni sfidat su “Guinness dei Primati”

(IlMinuto) – Casteddu, 20 de su mesi de cabudanni – Pinnigai assumancu 100 bateristas, ddus fai sonai impari e intrai in su “Guinness dei Primati”. Custu s’obietivu de s’assótziu Alterazioni chi po su duus de su medi de lèdamini donat atopu a totus is amamntis de sa bateria in su Parcu S’Arei de Seddori. Is musicistas ant essi cordinaus de is maistus de s’Académia de Música Moderna de Seddori. “No si pedint – si ligit in d-una nota – dipromas o àteras tzertificaus. Totu custu chi si domandat est una preparatzioni de basi chi permitat a is participantis de mantenni unu tempus abastàntzia pretzisu”. Sighi a ligi ‘“Bateristas de totu sa Sardìnnia uneisì”. S’Assótziu Alterazioni sfidat su “Guinness dei Primati”’

Lei asuba de su Golf, aMpI: “Dónnia campu at a spaciai 2milla metrus cubus de àcua a sa diri. Comenti una bidda de pagu prus de 8milla abitantis”

(IlMinuto) – Casteddu, 20 de su mesi de cabudanni – “Un’àtera fura manna a su patrimóniu naturali e ambientali de sa Sardìnnia”. Aici su Diretivu políticu natzionali de a Manca pro s’Indipendentzia chistionat de sa lei asuba de su turismu aprovada cida passada de su Consillu regionali, cun 36 votus in faori de is rapresentantis de Pdl, de s’Udc-Fli e de is Riformatoris sardus”. “A sa faci de sa crisi” – scririt aMpI in su documentu – su Consillu regionali sceberat de donai “45 milionis de euros a su Golf”. Intre is medas annotus su scritu precisat su consumu mannu de àcua chi fait dónnia campu po sa pràtiga de custu sport. Sighi a ligi ‘Lei asuba de su Golf, aMpI: “Dónnia campu at a spaciai 2milla metrus cubus de àcua a sa diri. Comenti una bidda de pagu prus de 8milla abitantis”’

Vinyls: sighit su blocu de is impiantus. Sindacaus: “Eus a lotai fintzas a tenni fiàntzias po su traballu”

(IlMinuto) – Casteddu, 20 de su mesi de cabudanni – A pabas de is fainas de manixu e de seguresa de is impiantus, cun su sbuidamentu de is barcilis, si cuat scéti sa boluntadi de ponni fini a s’istória de sa Vinyls. Est cantu denuntziant cun d-una nota is segreterias Filctem, Femca, Uilcem e Ugl Chímicus. De is 14.00 de ariseru is sindacaus ant proclamau su stadu de lota, chi at a sighiri “fintzas a candu no at essi assegurau su tempus benidori industriali e su traballu a totus is traballadoris”. Sighi a ligi ‘Vinyls: sighit su blocu de is impiantus. Sindacaus: “Eus a lotai fintzas a tenni fiàntzias po su traballu”’

Contienda Tiscali: is traballadoris narant ca no a sa càscia integratzioni

(IlMinuto) – Casteddu, 20 de su mesi de cabudanni – Su determinu fatu connosci de s’amministradori delegau de Tiscali, Renato Soru, de ponni in càscia integratzioni intre is 130 e is 150 traballadoris cun s’obietivu de arresparmiai seti milionis de eurus in d-un’annu “no si podit atzetai”. Est cantu scririt in d-una nota sindacali Anna Bisio, Rsa Slc Cgil. Is duas assembreas de is traballadoris chi si funt tentas cenàbara passau – acrarat Bisio – ant incàrrigau a is sindacaus de nai ca no a s’arrecursu a sa cig de pediri craresa asuba de su pranu industriali (“de avreguai cun atopus giai fissaus”) e de impòniri sacrifitzius a chini guadangiat in azienda. Sighi a ligi ‘Contienda Tiscali: is traballadoris narant ca no a sa càscia integratzioni’

Avenimentus: in sa Domu de su Pópulu de Bosa convenniu cun Beppino Englaro

(IlMinuto) – Casteddu, 20 de su mesi de cabudanni – “Sigumenti sa vida tua apartèniri a tui, scéti a tui tocat detzíderi candu e comenti ddi depis ponni fini. Est unu diritu personali inalienàbili, chi fundat dónnia àteru diritu e chentza de cussu dónnia àteru diritu podit essi arritirau in dúbiu”. (Paolo Flores d’Arcais). Mérculis 21 de su mesi de cabudanni a is 18.30 in is aposentus de sa Domu de su Pópulu de Bosa s’at a tenni su convenniu “”Questioni di fine vita: il diritto di scegliere”, cun sa participatzioni de Beppino Englaro. Sighi a ligi ‘Avenimentus: in sa Domu de su Pópulu de Bosa convenniu cun Beppino Englaro’