> 2011 mes’e cabudanni 21 | ilMinuto

Archíviu de sa diri 21/09/2011

Traballu: ddoi funt modulus po sa dimanda de is sussidius istraordinàrius

(IlMinuto) – Casteddu, 21 de su mesi de cabudanni – Is traballadoris chi no tenint títulu po pigai is amortitzadoris sotzialis – o chi no pigant su stipendiu assumancu de tres mesis – podint fai dimanda de is sussidius istraordinàrius prevìdius de sa lei regionali 3 de su 2008, cumpilendi is modulus chi s’agantant in s’Assessorau regionali de su Traballu. Sighi a ligi ‘Traballu: ddoi funt modulus po sa dimanda de is sussidius istraordinàrius’

Chímica birdi. Is dúbius de su “Gruppo d’intervento giuridico”

(IlMinuto) – Casteddu, 21 de su mesi de cabudanni – Oi in Pòrtu Turre est in programa (a is 11.15, Saba comunali “Filippo Canu”) sa presentada de su “Polu Birdi” e de s’istúdiu asuba de s’ambienti acapiau a su progetu de sa Matrica Spa, cun s’obietivu declarau de fai unu “polu chi siat intre is primus in su cumpartu de sa chímica birdi”. Asuba de sa chistioni fueddant su “Gruppo d’intervento giuridico” e is “Amici della terra”, cun d-unu post publicau in su blog de su Gig. Su documentu critigat diversas cosas de su progetu e po su prus s’acàpiu cun is produtzionis de is campus de su logu, cun sa previsioni de fai in s’Ísula “s’amidu e una calencuna variedadi de cardu po fai ollu e ‘biomasse’” po sa tzentrali termica de 40 megawatt. Sighi a ligi ‘Chímica birdi. Is dúbius de su “Gruppo d’intervento giuridico”’

Contienda Tiscali: “Eja a is cuntratus de solidariedadi”. Sinistra critica sarda: “Soru acusau de frosu. Si dimitat de su Consillu”

(IlMinuto) – Casteddu, 21 de su mesi de cabudanni – Passus ainnantis po sa contienda Tiscali. Ariseru, in s’atopu cun is sindacaus, s’azienda at nau de essi fasia a aghilliri sa proposta de Cgil, Cisl e Uil: fai arricursu a is cuntratus de solidariedadi po evitai de ponni in càscia integratzioni pagu prus de 130 traballadoris de s’azienda, comenti iat fatu sciri cida passa s’amministradori delegau Renato Soru. Asuba de s’acuntéssia fueddat Sinistra critica sarda. “Sa crisi- scririt s’organizatzioni anticapitalista – comenti sèmpiri benit fata pagai a is traballadoris: is berus produtoris de arrichesa e de connoscéntzia. Puru s’eventuali obertura aziendali a is cuntratus de solidariedadi iat a creai un’irminorigamentu de su tipendiu de is traballadoris. No ddoi funt ‘meris de manca’, e sa contienda Tiscali cunfirmat custa beridadi”. Sighi a ligi ‘Contienda Tiscali: “Eja a is cuntratus de solidariedadi”. Sinistra critica sarda: “Soru acusau de frosu. Si dimitat de su Consillu”’

Indipendentismu:nascit Mlns. Pes: “No est unu partidu nou, ma unu sogetu de diritu internatzionali”

Sergio Pes(IlMinuto) – Casteddu, 21 de su mesi de cabudanni – Creai is cunditzionis “giuridicas e materialis” po fai in modu ca su pópulu sardu potzat pratigai su diritu de soverania prevìdiu de is normas internatzionalis. Nascit cun custu obietivu su “Movimentu de liberatzioni natziunali sardu”. No est unu partidu o unu movimentu culturali, ma unu “sogetu de diritu internatzionali” nàsciu su 31 de su mesi de austu de “unu grupu de patriotus sardus”. Sighi a ligi ‘Indipendentismu:nascit Mlns. Pes: “No est unu partidu nou, ma unu sogetu de diritu internatzionali”’

Avenimentus: sa Sardìnnia in Madrid

(IlMinuto) – Casteddu, 21 de su mesi de cabudanni – Sighint chentza de pàsiu is fainas culturalis de s’Arxiu de Tradicions. In is diris 21 e 22 de su mesi de cabudanni s’Arxiu at essi difatis presenti in Madrid po sa “Semana de la cultura de la Isla de Cerdeña”, un’avenimentu aprontau de “La Asociación Circolo Sardo Ichnusa Madrid” e de s’Istitutu Sardu Fernando Santi. Sighi a ligi ‘Avenimentus: sa Sardìnnia in Madrid’