> 2011 mes’e cabudanni 22 | ilMinuto

Archíviu de sa diri 22/09/2011

(Italiano) Eventi: a Tula la Conferenza regionale sullo Stato della Cultura in Sardegna

Sighi a ligi ‘(Italiano) Eventi: a Tula la Conferenza regionale sullo Stato della Cultura in Sardegna’

Fata s’ingiustitzia. Dispàciu a s’obrescida po is Sariu. Is cumentus de aMpI, Sni e Zuncheddu

(IlMinuto) – Casteddu, 22 de su mesi de cabudanni – Centu óminis a pei, duus elicoterus a acastiai su tretu sa scicuta de is telefonus. Custa borta sa cadena de solidariedadi fata de indipendentistas, pastoris, artesanus e butegheris – chi iat protegiu a Angelo e a Rosalba in su mesi de maju e in su mesi de argiolas – no at potziu frimai sa scicuta fata a is Sariu bogaus de Terra Segada (Crabònia) innoi s’agatàt domu insoru e innoi funt is terras insoru. Beni bendius a s’asta po mori de sa lei regionali 44 de su 1988: filla de is murigus de is políticus sardus. Sa scicuta dd’ant fata a obrescidórgiu. Aici sa cadena de solidariedadi fata de féminas e óminis no est potzia nasci in tempus po frimai, cun sa resisténtzia passiva, un’operatzioni programada cun cuscéntzia. De su merì de martis is fortzas de s’òrdini ant pichetau is arrugas po lompi a Terra Segada. A is seti de su mangianu de ariseru su “blitz”: s’intrada in sa domu de is Sariu, sa scicuta de is telefonus – po frimai is dimandas de agiudu – e sa scicuta. Scicuta po fai logu a su meri “legitimu”: una personi chi – aprofitendusì de is arragus de is Sariu, prenus de dépidu cun is bancas po mori de sa lei 44 de su 1988 – at comporau po 130 milla eurus una domu de 400 metrus cuadrus e is satus po 90 étarus. Sighi a ligi ‘Fata s’ingiustitzia. Dispàciu a s’obrescida po is Sariu. Is cumentus de aMpI, Sni e Zuncheddu’

Ping Pong: in Nujvi su Grand Prix de is giòvanus

(IlMinuto) – Casteddu, 22 de su mesi de cabudanni – Atopu de importu mannu po is prumissas de su Ping Pong sardu. Domínigu chi benit in Nujvi (Palatzu de su Sport) s’at a tenni su primu Grand Prix de is giòvanus, aprontau de sa sotziedadi Asd TT Sants Tecla. Sighi a ligi ‘Ping Pong: in Nujvi su Grand Prix de is giòvanus’

Pranu nou de su Paisagiu. “Cagliari social forum”: “In is costeras sardas est in arribu una cantidadi manna de ciumentu”

(IlMinuto) – Casteddu, 22 de su mesi de cabudanni – Si ant essi aprovaus is cambiamentus a su Pranu Regionali de su Paisagiu bófius de sa Giunta Cappelllacci “in is costeras nostras e in is terras nostras eus a biri ciumentu e ciumentu […] e su tempus benidori de sa Sardìnnia e de is levas noas iat essi cumpromitiu”. Est cantu scririt in d-una nota de imprenta su “Cagliari social forum”, grupu chi de pagu prus de dexi anni est ativu in sa difesa po s’ambienti. Sighi a ligi ‘Pranu nou de su Paisagiu. “Cagliari social forum”: “In is costeras sardas est in arribu una cantidadi manna de ciumentu”’

Avenimentus: in Norghìddo su “Festival dell’Immagine e del Design Interattivo”

(IlMinuto) – Casteddu, 22 de su mesi de cabudanni – Un’atopu de importu mannu po chistionai de “sostenibilità” sotziali e ambientali su chi s’at a tenni de su 30 de su mesi de cabudanni a su 2 de su mesi ledàminis in Norghìddo. Is traballus ant cumentzai de is 11.00 in is aposentus de sa Saba Consiliari de su Comunu, cun s’obertura de is mostras de fumentus dedicadas a “I supereroi: da Flash Gordon a Kick-Ass” e a s’”insostenibilità” de sa gherra: “I fumetti nella Prima Guerra Mondiale” e a “I Giornali di Trincea”. Is aparadas funt aprontadas de Roberto Manca e Raffaele Piras. Sighi a ligi ‘Avenimentus: in Norghìddo su “Festival dell’Immagine e del Design Interattivo”’