> 2011 mes’e cabudanni 26 | ilMinuto

Archíviu de sa diri 26/09/2011

Crisi. Pcl: “In Tàtari unu pichetu contra a su Guvernu Berlusconi”

(IlMinuto) – Casteddu, 26 de su mesi de cabudanni – Aprontai unu pichetu contra a su Guvernu Berlusconi a faci de sa sedi provitziali de Tàtari de su Pcl. Est custa sa proposta chi su Pcl etotu fait a sa manca, cun s’obietivu de promovi sa mobilitada internatzionali de su 15 de su mesi cabudanni: sa data e s’ora de s’atopu tataresu ant essi fatus connosci a diris. Sighi a ligi ‘Crisi. Pcl: “In Tàtari unu pichetu contra a su Guvernu Berlusconi”’

Militarizatzioni. Zuncheddu: “Asuba de Cuirra narais su fratzu”

(IlMinuto) – Casteddu, 26 de su mesi de cabudanni – Su stadu italianu no at a spendi nimancu un’euru po sa bonífica de Cuirra a pustis de 50 annus de sperimentatzionis militaris. Ddu at acrarau mélcuris passau su sutasegretàriu a sa Difesa, Giuseppe Cossiga, arrespundendi a un’interrogatzioni parlamentari presentada de Amalia Schirru (Pd). Po su rapresentanti de su Guvernu Berlusconi no ddoi est nisciunu acàpiu intre is fainas militaris e is patologias e is istrópius in sa genti de su logu e in is animabis. Nimancu un’euru. Pagu importat si su 65 po centu de is pastoris (dexi allevadoris) in d-unu tretu de 2,7 chilómitrus de sa basi – comenti ant amostau de is primus de s’annu is datus pigaus de is veterinàrius de is Asl de Casteddu e de Lanusè – est corpiu de tumoris grais. Asuba de sa chistioni fueddat Claudia Zuncheddu, consilleri regionali indipendentista. “Su pranu de osserva asuba de s’impestadura chi faint is esercitatzionis militaris in su Poligonu de Cuirra – scririt Zuncheddu – iat a amostai ca su poligonu prus mannu e prus abitau de Europa po is sperimetatzionis asuba de is esplosivus est puliu”. Sighi a ligi ‘Militarizatzioni. Zuncheddu: “Asuba de Cuirra narais su fratzu”’

Iscola: Istudiantis Barbaza-Madrolisai: “Boleus chi su Convitu de Sòrgono oberrat debressi. Prontus a ocupai s’Agràriu”

scuola(IlMinuto) – Casteddu, 26 de su mesi de cabudanni – Sa serradura de su Convitu de Sòrgono iat essi un’àteru modu po ispopolai su territóriu e ait a essi puru su dennegu de su diritu a s’istudiu de unu númeru mannu de giòvanus iscritus a su lizeu issentíficu e a s’Istitutu Agràriu. Est cantu denuntziat in d-una nota s’Unioni de is Istudiantis Barbaza-Madrolisai, chi pedit de oberri debressi s’istrutura e amaletzat s’ocupatzioni de s’Agràriu. Sighi a ligi ‘Iscola: Istudiantis Barbaza-Madrolisai: “Boleus chi su Convitu de Sòrgono oberrat debressi. Prontus a ocupai s’Agràriu”’

Protzessu Portovesme srl: cras sit in in Casteddu. “Carlofortini Preoccupati”: “In su mesi de argiolas intercetatzionis ‘smagnetizzate’. S’adesione de aMpI

(IlMinuto) – Casteddu, 26 de su mesi de cabudanni – Torrat a pigai cras in Casteddu su protzessu cun ritu crutzu a su responsàbili de su sistema de sa gestioni ambientali de sa Portovesme srl e de sa gestioni arrefudus de su mantessi fàbricu, acusaus de ai bófiu s’interramentu abusivu de deximilla metrus cubus de arrefudus industrialis de s’azienda – 15.000 tonnelladas de arrefudus toscus e noxilis – in Sèttimu, Serramanna e asuta de s’arruga de s’ispidali casteddaiu Businco. Puru in custa circustàntzia su Comitau “Carlofortini preoccupati” at aprontau po is 9.30 unu sit in in pratza Repúbrica, a faci de su Tribunali. “Cras at essi su turnu de sa difesa. S’úrtima udiéntzia de su mesi de argiolas – scririt su Comitau in d-una nota fata connosci atressu de Facebook – no s’est tenta poita unus cantu de nastrus de is intercetatzionis si furiant, stranamenti, ‘smagnetizzati’”. Sighi a ligi ‘Protzessu Portovesme srl: cras sit in in Casteddu. “Carlofortini Preoccupati”: “In su mesi de argiolas intercetatzionis ‘smagnetizzate’. S’adesione de aMpI’

Tzínema: Casteddu una de is 200 tzitadis de su MANHATTAN SHORT FILM FESTIVAL

(IlMinuto) – Casteddu, 26 de su mesi de cabudanni – Mérculis 28 de su mesi de cabudanni e gióbia 29 de su mesi de cabudanni – in is aposentus de sa “Cineteca Sarda”, in s’arburada Trieste 126 – a cumentzai – de is 20.30 ddoi at essi sa finali de su MANHATTAN SHORT FILM FESTIVAL. Su Festival de sa tzitadi de New York, lompiu a sa XIII editzioni, proponit dónnia annu unu sceberu de cortometragius fatus de registas giòvanus chi benint de diversus logus de su mundu. Crai de su MANHATTAN SHORT FILM FESTIVAL est proietzioni in su mantessi tempus in 200 tzitadis de su mundu de is 10 “film crutzus” arribaus in finali, est a nai is chi sa diretzioni artística newyorkesa at giudicau prus orizinalis e ginialis fatus de is levas noas de is “registas”. Sighi a ligi ‘Tzínema: Casteddu una de is 200 tzitadis de su MANHATTAN SHORT FILM FESTIVAL’