> 28 « mes’e cabudanni « 2011 « ilMinuto – notizie Mediterranee – edizione Sardegna

Archíviu de sa diri 28/09/2011

Avenimentus: in Arborea sa “Sagra de sa Pulenta”

(IlMinuto) – Casteddu, 29 de su mesi de cabudanni – Su 23 de su mesi de ledàminis Arborea at a aghilliri sa Sagra de sa Pulenta. S’atopu, aprontau de sa Pro Loco de sa bidda in provìntzia de Aristanis, est nàsciu de s’abisóngiu de torrai a avalorai unu mandiari de is tempus antigus: sa pulenta.  In sa Sagra de sa Pulenta de Arborea no ddoi at scéti cosa de papai, in sa diri de festa, difatis, at essi possíbili bisitai sa mostra de is prodotus tipicus de Sardìnnia. Sighi a ligi ‘Avenimentus: in Arborea sa “Sagra de sa Pulenta”’

Ambienti. “Gruppo di intervento giuridico”: “Portai a càstiu is domus chi funt fabrichendi in ‘Costa Paradiso’”

(IlMinuto) – Casteddu, 28 de su mesi de cabudanni – In ‘Costa Paradiso’ – in su territóriu de Trinidade e Binzola – est stétiu obertu unu cantieri po fabricai 200 domus. Is “Amici della Terra” e su “Gruppo di Intervento giuridico” ant mandau una signalatzioni a sa Procura de sa Repúbrica de Tèmpiu e a s’Assessorau regionali de sa Difesa de s’Ambienti, pedendi de portai a càstiu sa arregularidadi de is traballus in “Costa Paradiso”. Sighi a ligi ‘Ambienti. “Gruppo di intervento giuridico”: “Portai a càstiu is domus chi funt fabrichendi in ‘Costa Paradiso’”’

Traballu. Cgil: “Centinas de traballadoris Cesil e Csl cun su cuntratu in scadéntzia”. Sit in in Casteddu

(IlMinuto) – Casteddu, 28 de su mesi de cabudanni – In Sardìnnia centinas de traballadoris a is serbítzius po su traballu in is Cesil funt precàrius de annus meda e cun su cuntratu in scadéntzia a sa fini de s’annu. 48 traballadoris de su Csl de Tàtari ant giai pérdiu su traballu, po mori de is cuntratus chi no funt stétius prorogaus nimancu finzas a su 21 de su mesi paschixedda, comenti prevìdiu de sa lei regionali. Est cantu denuntziat in d-una nota Giovanni Pinna, de sa segreteria de sa Funtzioni Pública Cgil, fadendi sciri ca custu mangianu ddoi at essi unu sit in a faci de su Consillu regionali de Casteddu. Sighi a ligi ‘Traballu. Cgil: “Centinas de traballadoris Cesil e Csl cun su cuntratu in scadéntzia”. Sit in in Casteddu’

Avenimentus: in Casteddu tres diris de “Unità in Festa”

(IlMinuto) – Casteddu, 28 de su mesi de cabudanni – De su 29 de su mesi de cabudanni a su primu de su mesi ledàminis, dibàtidus, ispetàculus e cosa de papai bella meda. At essi custu su programa de “Unità in Festa”, s’atopu de sa Fds de su tzentru istóricu de Casteddu aprontau de is tzirculus de su Prc e de su Pdci, s’unu e s’àteru dedicaus a Palmiro Togliatti. Sa festa s’at tenni in su Terraprenu de s’Arburada Arreina Elène. “In donniuna de is tres diris – si ligit in d-una nota – ddoi at essi unu dibàtidu públicu asuba de temas políticus e sotzialis. Arricu puru su programa de is ispetàculus”. Su primu de is dibàtidus, prevìdiu po cras a is 18.00, at a fueddai de “La Sardegna che lotta contro la crisi”. Sighi a ligi ‘Avenimentus: in Casteddu tres diris de “Unità in Festa”’

Indipendentismu: sa “convergéntzia natzionali” andat ainnantis. Declaratzioni unia de Sni, ProgRes, Paris e aMpI

(IlMinuto) – Casteddu, 28 de su mesi de cabudanni – Sighit su caminu de “convergéntzia natzionali” intre is organizatzionis indipendentistas. A 48 oras de s’atopu chi s’est tentu in s’Hotel Marianu IV de Aristanis Sni, ProgRes, Paris e aMpI ant fatu connosci is primus arresurtaus atressu de unu comunicau de imprenta, chi at donau unu giudítziu “bellu meda” a su traballu fatu fintzas a imoi. “Est lómpia s’ora – si ligit in d-una nota – de […] propòniri a sa natzioni sarda unu sceberu sériu e possíbili a is políticas fillas de s’autonomia de s’unidadi”. Sighi a ligi ‘Indipendentismu: sa “convergéntzia natzionali” andat ainnantis. Declaratzioni unia de Sni, ProgRes, Paris e aMpI’