> 2011 mes’e cabudanni 29 | ilMinuto

Archíviu de sa diri 29/09/2011

Coldiretti: “Pastoris obrigaus a ‘donai in prenda’ su lati”

(IlMinuto) – Casteddu, 29 de su mesi de cabudanni – “Fai unu prétziu de su lati capatzu de assigurai su tempus benidori a is impresas de is pastoris”. Cun custu obietivu Coldiretti Sardìnnia at pediu a s’assessori regionali a sa Messarítzia, Oscar Cherchi, de avisai in pagu tempus una mesa de su cumpartu de sa pastoria. “Is impresas de is pastoris no podint prus abetai – scririt su presidenti de Coldiretti Sardìnnia, Marco Scalas – teneus s’abisóngiu de programai s’incaminada de sa campannia tenendi una tzerta seguresa”. Sighi a ligi ‘Coldiretti: “Pastoris obrigaus a ‘donai in prenda’ su lati”’

Portovesme srl: arrinviu de una cida po su protzessu. Est arrennésciu su sit in promòviu de is “Carlofortini Preoccupati”

(IlMinuto) – Casteddu, 29 de su mesi de cabudanni – Est stétiu arrinviau a su 4 de su mesi de ledàminis su protzessu a su responsàbili de su sitema de gestioni ambientali de sa Portovesme srl e a sa responsàbili de sa gestioni arrefudus de sa mantessi azienda. Is duus dirigentis funt acusaus de ai bófiu s’interramentu abusivu de deximilla metrus cubus de arrefus industrialis bessius de s’azienda – 15.000 tonnelladas de arrefudus toscus e noxilis – in is areas de Sètimu, Serramanna e asuta de s’arruga de s’ispidali casteddaiu Businco. Martis passau, a faci de su Tribunali de Casteddu – po sa prevìdia ribertura de su protzessu, poi arrinviau de una cida, a is duus dirigentis de sa Portovesme srl – s’est tentu unu sit in aprontau de su Comitau “Carlofortini preoccupati”. Sighi a ligi ‘Portovesme srl: arrinviu de una cida po su protzessu. Est arrennésciu su sit in promòviu de is “Carlofortini Preoccupati”’

Keller: órdini de 80 milionis de S’Africa de Tramuntana. Su Consillu aprovat odg asuba de sa contienda

(IlMinuto) – Casteddu, 29 de su mesi de cabudanni – Po sa Keller de Biddacidru est arribendi un’”órdini de importu mannu po 80 milionis, ddu at nau arisereu a merì s’assessori de s’Industria Alessandra Zedda, fueddendi in Consillu regionali, a sa fini de su dibàtisu asuba de sa crisi de s’azienda de su Campidanu de Mesu. Sa crisi de sa Keller est filla de su determinu de Trenitalia de raiai un’órdini de 15 milionis de eurus e dimandai su pagamentu de una penali po àterus 10 milionis. Sighi a ligi ‘Keller: órdini de 80 milionis de S’Africa de Tramuntana. Su Consillu aprovat odg asuba de sa contienda’

Su Comitadu scririt a Massimo Zedda: “Si nd’est ‘scarésciu’ de sa língua sarda”

(IlMinuto) – Casteddu, 29 de su mesi de cabudanni – Su Síndhigu nou de Casteddu, Massimo Zedda, si nd’est ‘scarésciu’ dessintotu de sa língua sarda. In is 45 pàginis de declaratzionis ‘programmatiche’ no ddoi est difatis umbra de sa chistioni linguística. Est cantu denuntziat, in d-un’apellu a su Primu tzitadinu, Su Comitadu pro sa limba sarda Casteddu. Giai primu de su votu Su Comitadu iat scritu a Zedda e a is àterus candidaus a Síndhigu dimandendi – segundu cantu prevìdiu de sa Lei 482 de su 1999, “Normas in matèria de amparu de is minorias linguísticas istóricas” – “s’impínniu, chi fessat artziau a Síndhigu, a fai su Portellitu linguísticu comunali e a finantziai cunformementi una política linguística, aici comenti giai fatu in diversus comunus de sa Sardìnnia”. Sighi a ligi ‘Su Comitadu scririt a Massimo Zedda: “Si nd’est ‘scarésciu’ de sa língua sarda”’